Jorhenguarhi je néna sánderu sési aianhpeni: ju je úraani bideuechani para jorhentpini

ANDISÏ JUKAPARHAKUE.

Bideuechaksï mintsitarhu niáratspesïndi, jimbokaksï kʼuiripuecha úsïnga exeani ka kurhauani. I ambe úsïndi eska kʼuiripu ma sánderu jingontku jauaka ka sánderu ióni miáni informasionini. Jeobajtsïni íntskusti sánderu ambakiti ejemplu para jorhentpini, úraparini ambe ma para exeni (Uk 10:9-16; Jaŋ 1:1).

Bideuecha ¿Jatsikuarheski Tata Diosï arhinhakua ma?, ¿Né kararkuarhiski Bibliani? ka ¿Andichisï uá mintsikani eska Biblia jurhimbitku uandasïnga?, jarhuajperatechestiksï para jorhenguarhikua 2 ka 3 foietueri Ambakiti ambe. Bideuecha ¿Andisï uétarhijki jorhenguarhini Bibliaeri ambe?, ¿Néna úkuarhisïni estudiu bíbliku ma? ka ¿Nénaksï úkuarhisïni juchari tánguarhikuecha?, pʼímarpisïndi juchantsïni jingoni estudiarini ka tánguarhini. Ístujtsï uáka exeraani máru juchari dokumentalichani ka pelikulechani engajtsï estudiarini jauaka (km-S 5/13 páj. 3).

NÉNA ÚNI:

• Tʼuini késkia je bideuni engajtsï uéjka exerpini.

• Preparari je ma o tsimani kurhamarhikua enga bideurhu mókukuarhintajka.

• Márku exe je bideuni.

• Uandontskuarhi je sánderu jukaparhakua amberi.

ARINI AMBE Ú JE:

• Exe je kódiguni enga trataduecharhu tátsepani jukaka, enga pájpijka bideurhu ¿Andisï uétarhijki jorhenguarhini Bibliaeri ambe?

• Exera je bideuni ¿Andichisï uá mintsikani eska Biblia jurhimbitku uandasïnga? ka aiaku je foietuni Ambakiti ambe. Uanda je jorhenguarhikueri 3.