TEMA ENGA PORTADARHU JAKA | CHKUANDERAKUECHA ENGAKSÏ ÚJKA ESKACHI JARHARIAKA TATA DIOSÏNI
¿Andiksïsï máru uandajki eskaksï no uaaka niárani xénchani Tata Diosïni?
“‘Uékaakari chiiti Tata Diosï [Jeobani] méntku iámu chiiti mintsita jingoni, ka iámindu alma jingoni, ka iámindu chiiti eratsekua jingoni’. I jindeesti primeru mandamientu ka enga sánderu kʼéri ambeeka.” (Jesukristu, uéxurhini 33)a
Máru kʼuiripuechaksï úkua jukanchasïndi xénchani Tata Diosïni. Jimbokaksï eratsesïnga eska ima no uékasïnga eskachi míteaka, eska no uandanhiasïnga juchantsïni jimbo ka eska no sési kámpisïnga. Exe je ambe engaksï uandajka máru kʼuiripuecha:
“Nájkirukani kurhakuenga Tata Diosïni eskarini jarhuatapiringa, ísï pʼikuarherasïrenga eska ima jukari iauani jarhaspka. Ísï exesïrenga enajki no ma pʼikuarherenga kʼuiripuecha jimbo.”(Marco, Italia.)
“Uékasïreenga marhuakuni Tata Diosïni, peru ísï exesïrenga enajki jukari iauani japi. Ísï exesïrenga eska Tata Diosï máeska enga méntkisï exeni jarhajka nénajtsïni kastigarini. No exesïrenga eska imajtsïni uandanhiasïreenga.”(Rosa, Guatemala.)
“Engani sapiipka ísï exesïreenga eska Tata Diosï solu exeni jarhasïreenga ambe engachi no sési uénga parajtsïni úni kastigarini. Tátsekua uénaspka exeni eska ísïispka komu nema enga iauani jaka ka enga ma no újka andarhierani, komu juramuti ma enga juramukuajka kʼuiripuechani ka enga no uandanhiajka imeecha jimbo.”(Raimunda, Canadá.)
¿Chá na uandasïni? ¿Uaachi xénchani Tata Diosïni? Desde iónisïa kristianuechaksï niáraspti ini ambe kurhamarhikuarhini. Ístu jarhaspti ma tiempu engaksï kʼuiripuecha no kómarhienga Tata Diosïni. ¿Andi? Jimbokaksï chérhisïrenga. Will Durant enga istorieri ambe mítekuka, uandaspti: “¿Néna uaa kʼuiripu ma enga kʼamanharhintstika kómarhini Tata Diosïni, enga uaxantskuarhu jaka iauanisï ka enga chérpikueni xarharajka?”.
¿Ambe úski eskaksï kʼuiripuecha niáraka indeni ambe eratseni Tata Diosïri ambe? ¿Ambemindusï jorhentpijki Biblia? ¿Sánderu fásilipirini xénchani Tata Diosïni engachi mítepiringa jurhimbikua ambe imeeri ambe?