¿Káni ueenaski juramuni Tata Diosïri Juramukua? (Parti 1)

SEGUIRI JE JIRINHANTANI TATA DIOSÏRI AMBE

Juliu: Kánikua tsitisïnga uandontskuarheni chánksïni jingoni tata Ernestu, Biblieri ambe.a ¿Miásïntsï eskajtsïni kándiski kurhamarhispka ambe ma Tata Diosïri Reinueri ambe? Arhispkajtsïni eskajtsï uékasïreenga míteni andiksïsï Jeobaeri testiguecha jorhentpijki eska Tata Diosïri Reinu uénaska juramuni 1914 jimbo.

Ernestu: Jo indeni ambesïni arhintaka máru chaari rebistecharhu eska Tata Diosïri Reinu uénaska juramuni 1914 jimbo, ka ma ambe no kurhanguska. Chájtsï uandasïnga eska ambe engajtsï jorhentpijka Biblieri pʼitakateska.

Juliu: Jo, ísïisti.

Ernestu: Ji arhintaska iámu Bibliani ka no nani arhisïndi inde uéxurhini. Ísï jimbo internetirhu jirinhantaspka “1914” Bibliarhu ma ka no ma ambe uéraspka.

Juliu: Uékasïngaksïni tsimani ambe jimbo felisitarini. Orheta, jimbokajtsï iámu Bibliani arhintaskia, xarharasïndi eskajtsï kánikua jukaparhasïnga.

Ernestu: Jo, para ji inde libru sánderu ambakitisti enga jaka.

Juliu: Jíjtuni ísï eratsesïnga. Ka segundu jimbokajtsï Bibliani úraska parajtsï úni exentani mókuntskuani. Ísïjtsï úska eska Biblia na uandajka eskachi uaaka: eskachi seguiriuaka jirinhantani Tata Diosïri ambe.b ¡Xáni sési engajtsï ísï úni jaka!

Ernestu: Diosmaiamu Juliu, uékasïnga seguirini jarhani jorhenguarhini ka jirinhantaxapka sánderu indeeri ambe ka exentaspka ambe ma 1914 ambeeri inde librurhu engachi jorhenguarhini jaka. Kʼéri anhatapueri ma enga chʼapanhajka ka enga tátsekua ménderu tsikintapka... O xásï ambe.

Juliu: A jo, ísïisti. Profesiaesti enga kapitulu 4 Danieliri jaka. Uandasïndi ambe enga tsánharhipka Nabokodonosori, Babilonia anapu juramuti.

Ernestu: Jo, inde mismuesti. Arhintaskia uánikua xanhari, peruni nótkini úxaka kurhanguni néna terukuntasïni Tata Diosïri Reinu jingoni o 1914 jingoni.

Juliu: Asï uandanhia je. Ni ima enga karaka i uandakuechani, profeta Danieli kurhanguati ambe engaksï arhikuekeenga i uandakuecha.

Ernestu: ¿Meru?

Juliu: Jo, exe je ambe enga karapka ixú Daniel 12:8: “Kurhaaspka, peruni no úspka kurhanguni”.

Ernestu: Xáni sési engani no jíjkujka. Nóteruni xáni no sési pʼikuarherasïngia.

Juliu: ¿Ka míteskijtsï andisï indeni ambe nitamakuarhipi Danielini? Jimboka Tata Diosï nótki uandasïreenga eska kurhangunhapiringia inde uandakuecha, joperu iásï mójtakurhistia. Iásïchi úsïndia kurhanguani profesiechani enga Danieli karapka.

Ernestu: ¿A, jo?

Juliu: Jo, ka bersikulu 9 uandantasïndi. Exe je na enga uandajka: “I uandakuechaksï nótki mítekuarhiati ka no nema kurhanguati asta últimu jurhiatikuecha jimbo”. Eskajtsï na exeka i profesia solu jiáni úpiringa kurhangunhani asta últimu jurhiatikuecha jimbo. Ka iámindu ambe enga úkuarhini jaka xarhatasïndi eskachi ini tiempu jimbo irekaxaka. Ka i ambechi exeaka sánderu orhepani ini libru jimbo engachi jorhenguarhini jaka.c

Ernestu: ¿Uaajtsïni aianguni ambe arhikuekasïni i profesia?

Juliu: Jánguarhintaaka.

NABUKODONOSORIRI TSÁNHARHIKUA

Juliu: Orhetachi exeaka ambe enga tsánharhipka juramuti Nabukodonosori. Ka tátsekuachi exeni jauaka ambe arhikuekasïni. ¿Nájtsï exesïni?

Ernestu: Jo, sési jarhasti.

Juliu: Nabukodonosori tsánharhispti kʼéri anhatapu ma enga asta auandarhu niárenga, ima tsánharhikuarhu kurhaspti Tata Diosïri uandakua párini ma enga uandani japka eskaksï chʼapapiringa anhatapuni ka ambe enga pakarapka jindeespti sïrangua ka tronku. Tátsekua nitamaspti siete tiempu ka anhatapu ménderu tsikintaspti.d I profesia, orheta Nobukodonosori jingoni kumplirikuarhispti, ima jindeespti juramuti ma enga kánikua uinhapitipka, ísïispti komueska anhatapu enga asta auandarhu niárenga ka ísïispti enajkiksï imani chʼapapka ka ísïksï jurajkuspti siete tiempu. ¿Miásïntsï ambe arhikuekasïni inde ambe?

Ernestu: Mmm... Nómbe, no miásïnga.

Juliu: Biblia arhisïndi eska loku úkuarhispka ka ísï jarhaspti siete uéxurhini enga jindeeka “siete tiempu”. Jimbosï nóteru reiptia. Joperu enga na kʼamarapkia inde tiempu sési niántaspti ka ménderu niáraspti juramuni.e

Ernestu: Sési jarhasti, kurhanguxakaia. Joperu, ¿néna terukuntasïni i ambe Tata Diosïri Reinuni jingoni ka 1914 jingoni?

Juliu: Aianguakaksïni, i profesia tsimani uelta kumplirikuarhisti. Orheta, jiáni kumplirikuarhisti enga Nabukudonosori nóteru juramuni japkia ka segundu jiáni enga ístu Tata Diosïri juramukua nóteru juramuni japkia. Ka i últimu enga kumplirikuarhika, i jindeesti enga terukuntajka Tata Diosïri Reinuni jingoni.

Ernestu: ¿Ka nénajtsï míteski eska no ma xanharkusï kumplirikuarhika?

Juliu: Para uénani, jimboka inde mismu profesiajtsïni aiangusïndi máru ambe. Daniel 4:17 arhisïndi “eska profesia íntskunhaska parakaksï kʼuiripuecha mítepiringa eska Ima enga Sánderu kʼéri ambeeka jindeeska Juramuti kʼuiripuecheri juramukuarhu, ka enga ima uékaaka íntsaani íntskuauati”. ¿Exeskijtsï i uandakuani “kʼuiripuecheri juramukua”?

Ernestu: Jo, ixú arhisïndi eska “Ima enga Sánderu kʼéri ambeeka jindeeska Juramuti kʼuiripuecheri juramukuarhu”.

Juliu: ¿Ka né jindee “Ima enga sánderu kʼéri ambeeka”?

Ernestu: Tata Diosï, ¿a no?

Juliu: Ísïisti, i uandakuecha xarhatasïndi eska i profesia no solu Nabukodonosorini arhikuekaxapti. Ístu arhikuekasïndi “kʼuiripuecheri juramukuani”, enga jindeeka Tata Diosïri Juramukua enga juramukuauaka kʼuiripuechani. Engachi exeaka ambe enga arhijka antesi ka tátsekua i profesieri, uaakajtsï sánderu sési kurhanguni.

Ernestu: Jo, sési jarhasti.

AMBE ENGA SÁNDERU UANDAJKA DANIELIRI LIBRU

Juliu: Danieliri librurhu mémindu únhaspka uandani eska Tata Diosïri Reinu uaxastanhaka ka eska Jesúsi juramuaka ini Reinurhu. ¿Nájtsï exesïni parachi ejemplu ma exeni? Tsimani kapitulu antesi jarhasti, jimini Daniel 2:44, ¿uékapirintsï sáni arhintani?

Ernestu: Jo, arhisïndi: “Tata Diosï auandarhu anapu, gobiernu ma uaxastaati enga no méni kʼamajkunhaaka ka no jindeuati para máteru ireta. I gobiernu purundurhiauati ka kʼamajkuauati iámindu ini gobiernuechani, ka íjkusï jauati para méntkisï”.

Juliu: Sési jarhasti. ¿Uandapirintsï eska i bersikulu Tata Diosïri Reinueri ambe uandaxaka?

Ernestu: Mmm, no seguru jarhaska.

Juliu: Bersikulu uandasïndi eska i Reinu jauaka para méntkisï. ¿Né uaa jatsini reinu ma enga juramuaka para méntkisï?

Ernestu: No nema.

Juliu: Jo, ísïisti. Ju je jirinhantani máteru profesia enga ístu Tata Diosïri Reinueri ambe uandajka. Ixú jarhasti Daniel 7:13, 14 ka uandasïndi kʼuiripu máeri enga niárapiringa juramutini. Exe je ambe enga arhijka: “Ka intsïnhasti juramukua, tʼíntskua, ka gobiernu ma parakaksï kʼuiripuecha iámindu iretecharhu anapuecha, nasionicha, ka mámaru jásï idioma uandaricha, iáminduechaksï imani marhuakupiringa. Imeeri juramukua, juramukua máesti enga jindeeka para méntkisï, enga no méni kʼamakurhiaka, ka imeeri gobiernu no méni kʼamajkunhaati”. Ini bersikuluecharhu jarhasti ambe ma engachi uandakia.

Ernestu: Jo. Ménderu uandasïndi reinueri ma.

Juliu: Jo ísïisti. Ka no náki uéjki reinu ma. ¿Exeskijtsï? Jatsisti juramukua para “iámindu iretecharhu anapuecha, nasionicha, ka mámaru jásï idioma uandaricha”, enga arhikuekajka eska juramuaka iámu parhakpinirhu.

Ernestu: No exexapka, peru ísïisti, jimini ísï arhisïndi.

Juliu: Ka exe je ménderu ambe enga arhijka ixú: “Imeeri juramukua, juramukua máesti enga jindeeka para méntkisï, enga no méni kʼamakurhiaka, ka imeeri gobiernu no méni kʼamajkunhaati”. ¿A no eska i bersikulu sáno májkueni arhisïnga eska Daniel 2:44, engachi apenasi arhintaka?

Ernestu: Jo, ísïisti.

Juliu: Sési jarhasti. Iásï miántanchi jauaka ambe engachi jorhenguarhikia asta ixú jamberi. Profesia enga Daniel kapitulu 4 jaka, uékasïndi eskaksï kʼuiripuecha míteaka eska ima enga sánderu kʼéri ambeeka jindeesti juramuti kʼuiripuecheri juramukuarhu, i ambe xarhatasïndi eska profesia kumplirikuarhisïndi máteru nemeeri enga sánderu kʼéri ambeeka eska Nabukodonosori. Ístu iámu Danieliri librurhu exentasïngachi profesiecha engaksï uandajka eska Tata Diosïri Reinu uénaskia juramuni ka eska Jesukristu juramutiska ini Reinurhu. Iámindu i ambe xarhatasïndi eska profesia enga Danieli kapitulurhu 4 jaka, uandasïnga Tata Diosïri Reinueri ambe, ¿no ísïiski?

Ernestu: Jo, ísïisti, peru nótkini kurhangusïnga néna terukuntasïni i ambe 1914 jingoni.

NITAMASÏNDIKSÏ SIETE TIEMPUECHA

Juliu: Buenu, ménderuchi uandani jauaka juramuti Nabukodonosoriri ambe. Uandaskachia eska orheta enga kumplirikuarhika i profesia ima jindeespka anhatapu, ima nóteru juramusptia jiáni enga chʼapanhapka anhatapu ka nitamaspti siete tiempu. Nabukodonosori loku úkuarhispti, peru enga na nitamapkia inde tiempu, sési niántaspti ka ménderu uénaspti juramuni. Enga ménderu kumplirikuarhipka i profesia, Tata Diosïri Juramukua nóteru juramusptia peru no jimboka Tata Diosï no sési ambe úspka.

Ernestu: ¿Néna? No úsïnga kurhanguni.

Juliu: Exe je, Biblieri jurhiatikuecha jimbo, uandanhasïreendi eska Israeli anapu juramuticha uaxakasïrengaksï Tata Diosï Jeobaeri tronurhu.f I ambe arhikuekasïndi eska Tata Diosï erakuaspka paraksï juramuni. Imeecheri juramukua, Tata Diosï Jeobaeri juramukuani arhikuekasïreendi. Joperu tátsekua, sáno iámindu juramutichaksï nóteru uékasptia kurhajchani Tata Diosïni ka ireta májkueni úspti. Indeni ambe jimbo Tata Diosï jurajkuspti eska Babilonia andapiringa Israelini uéxurhini 607 ante de Jesúsi. Jiájkanisï nóteru ma juramutichaksï jarhastia engaksï xarhatapiringa Jeobaeri juramukua jini Jerusaléni. Pori ísï arhini Tata Diosïri Juramukua nóteru juramuni japirindia. ¿Úxakijtsï kurhanguni?

Ernestu: Jo.

Juliu: Siete tiempuecha ueenasti kuenta úkuarhini uéxurhini 607 ante de Jesúsi, indeni tiempu jimbo jindeesti enga nóteru nema juramupkia Tata Diosïri Juramukuarhu. Ka enga na kʼamarapkia ima tiempu Tata Diosï erakusptia jimbanhi juramuti ma para imeeri juramukuarhu, peru iásï jini auandarhu. Ka máteru profesiecha engaksï Danieliri libru jimbo arhiantaka, ístu kumplirikuarhisptiksï enga na kʼamarani jámeengia inde tiempu. Iásï kurhamarhikua jindeesti: ¿Kánksï kʼamaraski inde siete tiempuecha? Engachi míteaka mókuntskuani uaakachi míteni káni ueenaski juramuni Tata Diosïri Reinu.

Ernestu: Ji arhisïnga eska 1914 jimbo.

Juliu: Jo ísïisti tata Ernestu.

Ernestu: Peru ¿néna mítenhaski eska inde uéxurhini jimboespka?

Juliu: Buenu, enga Jesúsi jupka Echerirhu, ima uandaspti eskaksï nótki kʼamaraxapka siete tiempuecha.g Uandaxakachi ambe máeri enga uánikua uéxurhinicheri ambeeka. Siete tiempuechaksï uénasti kuenta úkuarhini uánikua uéxurhini ante de Jesúsi ka seguiristiksï kuenta úkuarhini uánika uéxurhini tátsekua enga Jesúsi na karhanchintapka auandarhu. Ka ístu, miánta je eskachi uandaspkia eska Danieliri profesiecha nóksï kurhangunhapiringa sino asta “últimu jurhiatikuecha jamberi”.h Kʼamarani jámani siglu XIX, ma grupu Biblieri jorhenguarhitichaksï uékasptiksï sánderu ambe míteni i ka máteru profesiecheri ambe, sánhani arhisptiksï kurhanguni eska siete tiempuecha kʼamarapiringa 1914 jimbo. Ka ambe enga úkuarhipani jaka desde jiáni uératini xarhatasïndi eska ima uéxurhini uénaspka jini auandarhu juramuni Tata Diosïri Reinu ka eska uénaspka tiempu ma enga jindeeka últimu jurhiatikuecha. Tata Ernestu, míteska eska uánikua ambeesti parajtsï úni kurhanguni iáiasï.

Ernestu: ¡Jo! Jatsiskani parani ménderu exeni parani úni sánderu sési kurhanguni.

Juliu: Kurhanguchesïngaksïni. Jíjtuni uétarhispka sáni tiempu parani úni sánderu sési kurhanguni. Erokuarhisïnga eskaksïni jarhuatakia ambe engachi uandontskuarhika iásï para exeni eska iámindu ambe engaksï Jeobaeri testiguecha uandajka Tata Diosïri Reinueri ambe Biblieri pʼitakateska.

Ernestu: Jo ísïisti, ka méntkisï ískurini pakatasïnga exeni na engajtsï chá xáni mintsinharhijka Bibliani.

Juliu: Ka exesïnga eska chájtu májkueni uékasïnga mintsinharhini Bibliani. Ka eskaksïni na arhika uánikua ambeesti parachi úni kurhanguni ka jamberijtsï kurhamarhikuecha jatsiaka íri ambe. Pori ejemplu, uandaskachia eska siste tiempuecha uénakuarhiska 607 ante de Jesúsi ka eskaksï sési terukuntasïnga Tata Diosïri Reinueri jingoni. Peru ¿andichisï uandajki eska 1914 jimbo kʼamakurhiska?i

Ernestu: Jo, indenisïni uéjki míteni.

Juliu: Bibliajtsïni jarhuatasïndi exeni na xániskiksï inde siete tiempuecha. ¿Uékapirintsï parachi máteru jimbo íri ambechi uandontskuarheni?j

Ernestu: Kánikua sési. Ixúksïni erokaaka.