¿Ambe eratsesïni Tata Diosï kómu nitamakueri ambe enga parhakpinirhu jaka?

Máru kʼuiripuechaksï uandasïndi eska ima no exesïnga ambe enga úkuarhini jaka ka eska no uandanhiasïnga.

ERATSENTA JE AMBE ENGA BIBLIA UANDAJKA

• Tata Diosï exesïndi ambe enga úkuarhi jaka ka uandanhiasïndi.

  “Tata Diosï Jeoba exespti eska kʼuiripuecheri no sési úkuecha kánikuespkaksïa parhakpinirhu ka [...] kómu pʼikuarheraspti imeeri mintsitarhu” (Génesis 6:5, 6).

• Tata Diosï kʼamajkuati kómu nitamakuani.

  “Ka nóteru ióni jimbo, no sési úrichaksï nóteru jauatia; ka exeakari nani engaksï japka ka imaksï nóteru jauatia. Peru echeri kaxumbiticheriuati, ka sésiksï pʼikuarheraati jimboka kánikua pínandikua jauaka” (Salmo 37:10, 11).

• ¿Ambe uékasïni Tata Diosï para chá?

  “Jimbokani ji sési míteska ambe engani eratseni jaka para chá, ísï uandasïndi Tata Diosï Jeoba. Eratsexaka parajtsï pínandikua jatsini, ka no kómu nitamakua ambe. Parajtsï sánderu orhepani sési irekani ka parajtsï erokuarhikua ma jatsini. Chájtsïni uandajpaaka, kómarhikua jimbojtsïni andarhieraaka, ka jíksïni kurhajchaaka” (Jeremías 29:11, 12).

  “Andarhiera je [Tata] Diosïni, ka imajtuksïni andarhieraati chánksïni” (Santiagu 4:8).