Engachi ísï pʼikuarherajka enajkichi nóteru uáia orhepani uérani

Por ejemplu, Sandya Estados Unidos anapu enga sáno iámindu ambe tsïtakuarhipka urakani ma jimbo, uandasïndi: “Eratsisïrenga eskani nóteruni úpiringia aguantarini. Ióni jamberini ísï pʼikuarheraspka enajkini nóteruni úpirinia seguirini”.

Ístu kánikua no sési pʼikuarherakuarhisïndi uarhiranchani nemani. Eunice Australia anapu uandantasïndi eska ísï pʼikuarheraspka engajki imajtu uarhipirini enga uarhiranchaapka imeri tsimani uátsïtiichani, ka jatsispti para kánikua jánguarhintani para úni orhepani uérani. Kómarhispti Tata Diosïni: “¡Juchiti Tata Diosï, nóteruni uákia tekantani! Solu uékasïnga kʼuíni ka no tsínharhini”.

Ka Danieliri irekua mójtakurhispti enga imeri témba ísku jándikua ambe niátapka. Daniel uandantasïndi: “Engarini juchiti uarhiiti aiangupka eskarini enganiarispka, ísï pʼikuarheraspka enajkijtsïni mintsitarhu kuchiu ma jimbo atapi. Ióni jamberini ísï pʼikuarheraspka”.

¿No sésijtsï nitamakuarhixaki arini ambe jimbo?

• Enga no sési ambe úkuarhijka

• Engachi uarhiranchajka nemani

• Enga acheeti o uarhiiti ísku jándikua ambe niátajka

• Kʼéri pʼamenchakua ma jimbo

• Kómu pʼikuarherani

Engajtsï ini ambe nitamakuarhini jaka, i rebista Aianhpiri, jarhuataatiksïni exeni eska jukaparhakueska seguirini jarhani irekani.