Ambe enga jurhimbitkueka Tata Diosïri Reinueri
Jesusi jorhendaaspti imeri chúxapatichani paraksï ísï kómarhini: “Juchari Táti engari auandarhu jaka, kómarhisïngaksïni eska mítenhaaka chíti nombri eska pímbinhaxitiska. Jaue ixú parhakpinirhu chíti juramukua. Úkuarhie eska tʼu na uékajka ixú parhakpinirhu, májku jásï eska na úkuarhijka auandarhu” (Mateu 6:9, 10). ¿Ambeski Tata Diosïri Reinu? ¿Ambe úxaki Tata Diosïri Reinu ini jurhiatikuecha jimbo? ¿Andichisï jatsi para kurhajkuarhini eska ístu juramuaka ixú Echerirhu?
Jesusi Reisti Tata Diosïri Reinurhu
Lukasʌ 1:31-33: “Ka arhiraakari Jesusi. Ka ima kʼéri ambeuati ka arhinhaati: ‘Imeri Uájpa enga sánderu kʼéri ambeka’, ka imeri Tata Diosï íntskuati Dabidiri juramukuani enga jindeka imeri táti jemba, ka méntkisï juramukuauati Jakobueri desendienti jembechani, ka imeri juramukua no méni kʼamaraati”.
Jesusi, Reinueri ambe sánderu aianhpespti
Mateu 9:35: “Ka iápuru jamasïrendi Jesusi, iretecharhisï ka ranchuecharhisï, ka jorhentpisïrendi imecheri tiostecharhu, ka uandajtsïkpisïrendi ambakiti aianhperakuani Diosïri juramukuerini, ka ambakeraantasïrendi imechani engaksï mámaru jásï pʼamenchenga, ka iáminduechani engaksï malu jarhenga”.
Jesusi aianguaspti imeri chúxapatichani imani ambe enga xarhatapiringa eska Reinu no ióni jimbo janopiringuia Echerirhu
Mateu 24:7: “Jimbokaksï ma nasioni anapuecha jauaraaka paraksï uarhiperani máteru nasioni anapuechani jingoni, ka ístu ma juramukuarhu anapuecha máteru juramukuarhu anapuechani jingoni, ka jauati [...] kʼarhingua ambe, ka naninterkisï jencheati”.
Jesusiri chúxapatichaksï interu parhakpini aianhpixati Reinueri ambe
Mateu 24:14: “Ka i ambakiti aianhperakua Diosïri juramukueri, eianhpinhaati iápuru parhakpinirhu paraka iápuru anapu kʼuiripuecha mítitinksï jauaka, ka jimajkani kʼamaraati i tiempu”.