Ima jurhiatikuechani engachi Jesusiri uarhikuani miántaaka, ¿májkuenchi jánguarhinta eska Jeoba ka Jesusi?

1. ¿Ambeksï jánguarhinta úni Jeobaeri testiguecha imani jurhiatikuechani engaksï miántaaka Jesusiri uarhikuani?

¹ Jeoba kumplirisïndi tsípikua jingoni ambe enga ima uékajka úni. Para arhikuekani máru kóntperatechani Tata Diosïri Reinuerini, Isaías 9:7 arhisïndi: “Jeoba ejersituecheri uékaxati ísï úni ka ísï uáti”. Májkueni ústi Tata Diosïri Uájpa, xarhatasti eska uékasïrenga jurhimbikuani (Juanu 2:13-17; 4:34). Imani jurhiatikuechani engachi miájka Jesusiri uarhikuani, uánikua Testiguechachi interu parhakpini jánguarhintasïnga para májkueni úni eska Jeoba ka Jesusi sánderu eianhpiparini. ¿Chájtu ísï uá i uéxurhini?

2. ¿Ambechi jánguarhinta úni tsípikua jingoni 7 de marsuni uératini?

² Ju je sánderu jánguarhintani pʼímarpini. Ini uéxurhini, sábadu 7 de marsunchi uénaaka pʼímarpini Jesusiri uarhikueri miántskuarhu. Ju je uénania uáni arregluechani parachi jánguarhintani uérani eianhpini. Kúnguarhikuechaksï tsípikua jingoni jánguarhintaati paraksï andajkuarhini pʼímarpini xáni eskaksï xáni uáka imecheri territoriurhu. Jánguarhiakachi pʼímarhiani estudiuechani, rebisitechani, kompanieruechani ánchikuarhiteri ka eskuelaeri, ka familiarichani íntsaparini pʼímarperakua ma o úraparini pájinani jw.org.

3. ¿Ambechi uá úni parachi sánderu eianhpini marsuni ka abrilini?

³ Prekursori auxiliari úkuarhini. Jánguarhintani tsípikua jingoni ísï úni, ístujtsïni jarhuataati sánderu eianhpini. Seguru eskachi uánikua uáka prekursori auxiliari úkuarhini marsu ka abrilini, erakuparini 30 ora aianhpini. Engachi jatsiaka juchari familieri jorhenguarhikua o engachi jandiajku jorhenguarhiaka, ístuchi uáka kurhajkuarhini kómarhikuarhu jarhuajperata para prekursori auxiliari úkuarhini (Prov. 15:22). Engachi xarhataska eskachi tsípikua jingoni pʼímarpisïnga, i ambe uáti úni eskaksï máteruechajtu ísï uáka. Engachi uáska arregluechani para sánderu eianhpini, májkuenchi úni jauaka eska Jesusi (Mar. 6:31-34).

4. ¿Ambe kóntperatechanchi jatsiaua engachi májkueni jánguarhintaska eska Jeoba ka Jesusi?

⁴ Engachi májkueni jánguarhintaska eska Jeoba ka Jesusi, imani jurhiatikuechani engachi miántaaka Jesusiri uarhikuani, uánikua kóntperatechanchi jatsiauaka. Sánderu uánikuechanchi uáka eianguani territoriurhu. Ístuchi sési pʼikuarheraaka Jeobani marhuakuni ka jarhuatani máteruechani (Uku. 20:35). Ka ambe enga sánderu jukaparhakueka jindesti eskachi jaiapanherantaaka juchari Tata Diosïni ka imeri Uájpani.