Eratsenta je ambe ka ambejtsï uaa úni imani mesiicha jimbo enga Miántskua úkuarhiaka

Miántskua jindeesti ambe ma engachi Tata Diosï Jeobaeri marhuariicha tsípikua jingoni erokuarhini jarhajka mándani uéxurhini. Máru semaneecha ante de niárani inde jurhiatikua ka ístu ísï tátsekua, jánguarhintasïngachi para mámaru ambe úni parachi kʼéri ambe arhini Tata Diosï Jeobani ka para diosmaiamukua íntskuntani engajtsïni ísï euajpintaka (Ef 1:3, 7). Pori ejemplu, jánguarhintasïngachi pʼímarhiani máteruechani paraksï nirani Miántskuarhu. Máru erachiichaksï exesïndi ambeksï uaa úni paraksï prekursori auksiliariini marsuni o abrilini paraksï 30 o 50 ora aianhpini. ¿Chá uékapirini sánderu aianhpini imani mesiicha jimbo enga Miántskua úkuarhiaka? ¿Ambejtsï uaa úni?

Sánderu sési uérasïndi ambe ma enga tiempu jingoni úkuarhijka (Pr 21:5). Miántskua axuterku jarhastia. Ísï jimbo, iáiasïsï uétarhijti eskachi exeaka ambe engachi uaaka úni. Exe je ambe ka ambejtsï uaa úni imani mesiicha jimbo enga Miántskua úkuarhiaka ka néna engajtsï jámaaka parajtsï ísï úni. Tátsekua kurhaku je Tata Diosï Jeobani eska újchakuraaka ambe engajtsï xáni eratsetini jaka úni (1Jn 5:14, 15).

¿Ambejtsï úpirini úni parajtsï sánderu aianhpini imani mesiicha jimbo enga Miántskua úkuarhiaka?