Tánguarhikuecha para uérani eianhpini kánikuajtsïni marhuachisïndi

1. ¿Para ambeksï marhuasïni tánguarhikuecha para uérani eianhpini?

¹ Ma jurhiani, Jesusi tánguarhispti imeri 70 jorhenguarhiticha jingoni ante de niranksï aianhpeni (Luk. 10:1-11). Uinhaperantaaspti miátantaaparini eskaksï no jandiajku jarhaspka ka eska Jeoba, ‘pʼikuntskueri Dueniu’ orhekupaasïrenga. Ístu arhiaspti ambeksï úpirini paraksï preparadu jarhani para eianhpini ka “tsimandani” axaaspti. Iásï, tánguarhikuecha para uérani eianhpini marhuachisïndijtsïni juchantsïntu: uinhaperantaparini, jarhuataparini ka arhiparintsïni néna úni.

2. Abrili uératini, ¿na xáni tiempu durariua tánguarhikua para uérani eianhpini?

² Tánguarhikua para uérani eianhpini 10 a 15 minutu durarisïrendi para uáni grupuechani, arhiani náki territoriurhu eianhpini ka kómarhikua úni. Peru abrilini uératini, i tánguarhikua 5 a 7 minututerku durariuatia. Ka enga ísï tátsekua úkuarhiaka enga na kʼamaraakia tánguarhikua ma kúnguarhikueri, jatsisti para sánderu sapichueni, jimbokaksï erachicha pʼiraskia ambakiti jorhenguarhikua ma Bibliaeri. Enga i tánguarhikua no ióndaaka, jarhuatauati erachichani paraksï sánderu tiempu aianhpini. Ka engaksï prekursoricha o eianhpiricha uénakia eianhpini ante de tánguarhini para uérani eianhpini, ma ratujkuksï jurajkuati eianhpikuani.

3. ¿Nénaksï uá sési uaxastakata jarhani tánguarhikuecha para uérani eianhpini?

³ Tánguarhikuecha para uérani eianhpini jatsistiksï para sési uaxastakata jarhania, para marhuakuani eianhpirichani. Uánikua kúnguarhikuechaksï exestia eska sánderu sésiska eskaksï grupuecha para uérani eianhpini táchani ísï tánguarhiaka. Ka ísï no xáni iauani pakarakuani territoriu ka nani tánguarhini. Ístu, uátiksï sánderu sóntku uáni parejechani ka sánderu fásiliuati para orhejtsïkuti grupueri jarhuataani imeri grupurhu anapuechani. Orhejtsïkutichaksï uáti exeni ambeksï uétarhinchaxaki erachicha ka exeni ambe sánderu sésiua para úni. Ante de kʼamarani tánguarhikua kómarhikua sapichu ma jingoni, iáminduksï jatsistia para mítitini jarhani nani ka né jingonksï niua.

4. ¿Andisï tánguarhikua para uérani eianhpini májkueni jukaparhakue eska máteruecha?

⁴ Májkueni jukaparhakuesti eska máteru tánguarhikuecha kúnguarhikueri. I tánguarhikuarhu imajkuksï nirasïndi engaksï uéraaka eianhpini, jimboksïsï no iámindu erachicha tánguarhijti. Peru no arhikuekasïndi eska arisku sáni úkuarhiaka o eska menusi jukaparhakueska eska máteru tánguarhikuecha. Ísï eska máteru tánguarhikuecha, i tánguarhikua Jeobaeri kóntperatesti engajtsïni jarhuatajka parachi úni uékperani ka ambakiti ambe úni (Ebr. 10:24, 25). Jimbosï konduktori jatsiti para sési preparadu jarhani, paraka tánguarhikua kʼéri ambe arhiaka Jeobani ka marhuakuani erachichani. Jimboksïsï jatsipirindi para jánguarhintani jima jarhani erachicha engaksï uéraaka aianhpeni.

5. a) ¿Nákiski ánchikuarhita orhejtsïkutiri enga aianhpikueri ambe exejka enga sési pérani jámaaka tánguarhikuechani para uérani aianhpini? b) ¿Néna jatsipirini para kondusirini pirenchi ma tánguarhikuani para uérani aianhpini?

⁵ Néna prepararikuarhini para kondusirini. Para nema sési prepararini parti ma, uétarhisïndi eska tiempu jingoni aiangunhaaka. Ka májkuenisti tánguarhikua jingoni para uérani eianhpini. Engaksï grupuecha táchanisï tánguarhiaka, grupueri orhejtsïkuti o imeri jarhuajpiri kondusiriuati tánguarhikuani. Peru enga kúnguarhikua sési exeaka eskaksï grupuecha márku uéraaka, orhejtsïkuti enga aianhpikueri ambe exejka erakuati nemani para kondusirini. Máru orhejtsïkuticha engaksï aianhpikueri ambe exejka íntsasïndiksï iámindu konduktorichani programa ma ka ístuksï mánharhitasïndi anunsiuecheri tablerurhu. Orhejtsïkuti enga aianhpikueri ambe exejka jatsisti para sési erakuni konduktorini, miáparini eska na enga sési jorhentpiaka, uáka eskaksï erachicha sési jorhendakata jauaka. Enga no jaka orhejtsïkuti ma, orhejtsïkutiri jarhuajpiri ma, o erachi ma enga itsï atakuarhikia enga sési jorhenaka para úni kondusirini, orhejtsïkuti enga aianhpikueri ambe exejka jatsisti para erakuni pirenchini ma enga itsï atakuarhikia ka enga sési jorhenaka. (Exe je temani “Enga pirenchi ma jatsiaka para kondusirini tánguarhikuani”.)

6. ¿Andisï jukaparhakue eska konduktori sési preparadu jauaka?

⁶ Engachi intsïnhajka parti ma para Eskuela engajtsïni Jorhendajka Eianhpini o para Tánguarhikua enga Jorhentpijka Tata Diosïni Marhuakuni, jukaparharasïngachi ka sésichi prepararikuarhini. Nochi erokuarhipiringa jiáni uénani eratsintani ambechi uandaa engachi nirani japiringia tánguarhikuarhu. Engachi arhinhaska para kondusirini tánguarhikuani para uérani eianhpini, jatsipiringachi para májkueni jukaparharani. Iásï enga tánguarhikua nóteru ióni durariuakia, jukaparhakuesti sési prepararikuarhini paraka marhuauaka ka sésku kʼamarani. Sési prepararikuarhini ístu arhikuekasïndi tʼuini jatsinia territoriu ma.

7. ¿Amberi ambe uá uandani konduktori?

⁷ Amberi ambe uandani. Iámindu territoriuechaksï ménderuenisti, jimbosï jántspiri enga mintsinharhikueka no íntspiti boskeju ma para mándani tánguarhikua para uérani eianhpini. Rekuadrurhu “Ambe exeni tánguarhikuarhu para uérani eianhpini”, jarhastiksï máru opsionicha. Sáno méntkisï, tánguarhikua jindeuati para erachicha jingoni exeni. Ménisï uáti nitamakuarhini xarhatakua ma o bideu ma enga jw.org jaka para eianhpini. Enga konduktori prepararikuarhini jauaka para tánguarhikua para uérani eianhpini, exeati ambe uinhaperantaua ka jarhuataani erachichani eianhpikuarhu.

8. ¿Náki informasioni sánderu sési japirini para úrani tánguarhikuarhu para uérani eianhpini sábaduechani ka dominguechani?

⁸ Sábaduechani, sáno iámindu eianhpirichaksï rebistechani La Atalaya ka ¡Despertad! íntspeasïndi. I rebistechaksï no jarhasti pʼurhe jimbo, ísï jimbo uátiksï utusï jimbo úrakuarhini enga territoriurhu jaka kʼuiripu enga utusï uandajka ka enga no jaka kúnguarhikua ma enga atenderiuajka. Peru sánderu sésiuati eska kúnguarhikua úrauaka publikasionichani engaksï pʼurhe jimbo jaka. Uánikua engaksï uérajka eianhpini sábaduechani, nóksï uérasïndi semanarhu, jamberiksï jimbo úkua jukanchajti miáni presentasionini engaksï imecheri Familieri Jorhenguarhikuarhu ensaiarika. Ísï jimbo, kánikua marhuakuapirindi erachichani enga konduktori repasaripiringa presentasioni ma enga últimu pájinarhu jarhajka Juchari Ánchikuarhita Reinueri. Máteru opsionichaksï jindesti exeni néna úrani rebisteri presentasioni ma jingoni notisia ma jima anapu, ambe enga úkuarhika o kʼuínchikua ma, o ambe uandani para tátsekua rebisita ma úni enga nema pakataaka rebistechani. Enga publikadori ma úrakia rebistechani imani kutsïri eianhpikuarhu, konduktori uáti kurhakuni eska uandantaaka néna úraaski rebistechani o experiensia ma. Dominguechani, konduktori úpirindi májkueni úni publikasionicha jingoni engaksï imani kutsï úrakuarhiaka. Tánguarhikuarhu para uérani eianhpini uáti exenhani néna íntspiani máru publikasionichani komueska foietuechani Ambakiti ambe, Kurhajcha je Tata Diosïni ka libru Enseña, engachi íntspeajka náki uéjki jurhiatikua ka úraanchi para estudiu bíblikuechani uáni.

9. Enga kúnguarhikua íntspini jauaka pʼímarperakua o tratadu ma, ¿ambe úpirini exenhani sábadu ka domingu tánguarhikuarhu para uérani eianhpini?

⁹ Enga kúnguarhikua íntspini jauaka pʼímarperakua o tratadu ma, sábadu ka domingu konduktori úpirindi exeni néna íntspiani rebistechani pʼímarperakua o tratadu jingoni, o ambe úni enga nema uékaka sánderu mítini. Máteru ambe jindepirindi uandantani experiensiechani engaksï xarhatajka na enga xáni jukaparhakueka íntspini pʼímarperakua o tratadu ma.

10, 11. ¿Andisï jukaparhakue eskaksï eianhpiricha prepararikuarhiaka para tánguarhikua?

¹⁰ Nénaksï uá prepararikuarhini eianhpiricha. Ístu eianhpiricha engaksï tánguarhiaka para uérani eianhpini, uátiksï úni eska tánguarhikua sési uéraaka. Engaksï sési prepararikuarhiska, jamberi familiaeri jorhenguarhikuarhu, uátiksï íntspiani ambakiti komentariuechani. Sési prepararikuarhini ístu arhikuekasïndi euajpiani publikasionichani ante de uénani tánguarhikua parachi iáminduecha úni sóntku nirani territoriurhu.

¹¹ Ístu jukaparhakuesti uáni arregluechani para xarheni niárani tánguarhikuarhu. Ísïsti jánguarhintasïngachi xarheni niárani iámu tánguarhikuecharhu. Peru engachi ióndapiringa niárani, nochi xarhatani japiringa respetu. ¿Andi? Konduktori exesïndi máru ambe ante de uáni parejechani. Engaksï namunitku jauaka, erachi úpirindi eratsini iáminduechani territoriurhu ma axaani enga no kʼamarakuarhika. Enga territoriu iauani jaka, jamberi axauati eianhpirichani engaksï no kaajka trokechani imecha jingoni engaksï kaajka. Enga territoriu peligrosueka, jamberi konduktori axauati máru erachichani paraksï ánchikuarhini grupu ma pirenchicheri jingoni o jimajkisï. Enga eianhpiri ma pʼamenchajka, úpirindi axanhani xanharu ma jimbo enga pareju jándeka o kʼumanchikuecharhu engaksï no uánikua eskalonicha jukaka. O jimbanhi eianhpirichani imecha jingoni axani engaksï jorhenaka eianhpini. Peru engachi ióndapiringa niárani, erachi jatsipirindi para mójtakuani arregluechani para ménderu uántani parejechani. Jamberichi ménisï ióndajka niárani ambe ma jimbo, peru engachi pʼindekia, ju je eratsini jindeski jimbokani no jukaparharasïnga tánguarhikuechani para uérani eianhpini o jimbokani no sési uásïnga arregluechani.

12. Engachi méntkisï imani mísmu erachicha jingoni uérajka, ¿ambechi úpirini úni?

¹² Eianhpirichaksï uáti úkuarhiani arregluechani ante de uénani tánguarhikua o jurajkuni eska konduktori arhiauaka né jingonksï niua. Peru engachi méntkisï imani mísmu erachicha jingoni uérajka, ¿úpirinchi máteruecha jingoni uérani eianhpini? (2 Kor. 6:11-13.) ¿Úpirinchi ménisï jimbanhi eianhpiri ma jingoni uérani ka jarhuatani sánderu sési jorhentpini? (1 Kor. 10:24; 1 Tim. 4:13, 15.) Ju je jingontku kurhani ambe uéjki engachi arhinhaaka tánguarhikuarhu, komueska nanichi uéna eianhpini, ka enga na kʼamaraakia tánguarhikua, jánguarhiakachi no mójtakuani arregluechani ka seguirini nirani territoriurhu.

13. Engachi iáminduecha jánguarhintaska, ¿nénajtsïni jarhuata tánguarhikuecha para uérani eianhpini?

¹³ Ima 70 jorhenguarhitichani enga Jesusi axaapka eianhpini “kʼuanhatsintaspti[ksï] tsípiparini” (Luk. 10:17). Ísï jimbo, eska Jesusi tánguarhintapiringa imecha jingoni ante de axaani, úspti eska sési nikuapiringa. Juchari tánguarhikuechajtuksï para uérani eianhpini májkueni úsïndi. Engachi iáminduecha jánguarhintaska, i tánguarhikuechajtsïni uinhaperantaati, jorhendaati ka jarhuataati uáni arregluechani para úni eska “iápuru anapu kʼuiripuecha mítitinksï jauaka” (Mat. 24:14).