Máru presentasionicha
La Atalaya 1 de juliu
“Ini jurhiatikuechani uánikua uandanhiatechaksï jarhasti, ¿exesïntsï cha eskajtsïni uáka jarhuatani ambe enga Jesusi uandaka ixú? [Arhinta je Mateu 6:25, ka jurajku je eska mókuntaaka.] I rebista La Atalaya uandasïndi eskajtsïni Bibliaeri prinsipiuecha, uáka jarhuatani parachi nóteru xáni uandanhiania tumina jimbo, problemecha familia jingoni ka peligru jimbo.”
Ambakiti ambe enga Tata Diosïrika
“Uánikua uelta, kómarhisïngachi Tata Diosïni ka sánderu engachi problema ma jatsiaka, ¿no ísïski? [Jurajku je eska mókuntaaka.] ¿Exesïntsï eska Tata Diosï kurhauajka iámindu kómarhikuechani, o jaki máru enga no jeiapanhiantajka? [Jurajku je eska mókuntaaka.] Kámaxaka foietu ma engajtsïni jorhendajka nanichi uá exeantani Bibliarhu mókuntskuechani inde kurhamarhikuecheri. [Íntsku je foietuni ka exe je kʼuiripu jingoni primeru párrafuni jorhenguarhikueri 12, ka textuechani engaksï arhijka “Arhinta je”.] Tsípisïngachi mítini eskajtsïni Tata Diosï pʼímarhisïnga andarherani kómarhikua jimbo; peru parachi marhuatani ini kóntperatani, jatsiskachi para sési mítini imani. [Exe je jorhenguarhikuani 2 ka exera je subtituluechani.] Engajtsï uéjka, uákaksïni jurajkuchini foietuni ka máteru jurhiatikua junguani parachi exeani mókuntskuechani enga Biblia íntspijka para i ambakiti kurhamarhikuecha.”