Jorhenguarhi je néna sánderu sési aianhpeni: aiatspi je libruni, ¿Ambemindusï jorhentpejki Biblia?

Andisï jukaparhakue. Libru ¿Ambemindusï jorhentpejki Biblia? erramienta máesti engachi sánderu úrajka eianhpikuarhu. Peru engachi uékaaka jorhentpini ambe enga Biblia uandajka, orhetachi jatsiska para aiatspini libruni. Ísï jimbo, jatsiskachi para jánguarhintani sési úrani engachi eianhpiaka (Prov. 22:29). Mámaru jásï jimbochi uáka aiatspini, ísï jimbo uákachi erakuni náki sánderu marhuaua juchari territoriurhu.

Néna úni:

Ú je kurhamarhikua ma, kapituelueri maisï paraka kʼuiripu uékaaka sánderu mítini. Jamberijtsï uáka erakuni kurhamarhikua ma enga uénakuarhu jaka mándani kapitulueri. Enga na mókuntaakia, arhinta je textu ma, ka no ióndaparini, márku exe je párrafuni ma librueri enga inderi ambe uandajka.
Máteru ambe engajtsï uáka úni, jindesti úraani pájinechani engaksï uénakuarhu jaka paraka kʼuiripu uékaka sánderu mítini ka librurhu exerani ambe enga uandajka Biblia inde temecheri. Ejemplu ma, engajtsï na arhiakia ambe ma enga no sési úkuarhika enga notisiarhu uéraka, uákajtsïni arhini eskaksï uánikuecha úkuarhiasïnga kurhamarhikuechani komueska ima engaksï pájina 3 jaka. O jamberijtsï uáka arhini eskajtsï pʼorhembiaxaka besinuechani parajtsï uandontskuarhini ambakiti erokuarhikueri ma. Exera je dibujuechani engaksï pájina 4 ka 5 jaka ka kurhamarhi je: “¿Náki i eiatsperakuechantsï uékapirini eskaksï úkuarhipiringa?”. Ístujtsï uáka arhini eskajtsï pʼorhembixaka parajtsï uandontskuarhini kurhamarhikuecheri engaksï jukaparhakueka engachi iáminduecha úkuarhiajka. Exera je imechani engaksï pájina 6 jaka asta kétsekua ka kurhamarhi je nákini sánderu tsitisïni.
Jánguarhi je uénani jámani estudiu bíbliku ma aiatspini. Uákajtsï arhini: “Aiatspixakachi arini libruni para Bibliani estudiarini. ¿Exeskijtsïa ménisï? [Jurajku je eska mókuntaaka.] Engajtsï jatsika tiempu, uékapiringaksïni exerani nénajtsï uá úrani parajtsï chári Bibliani estudiarini”.

Ú je ini ambe ini kutsï jimbo:

Ensaiari je presentasionini chári familieri jorhenguarhikuarhu.
Engajtsï máteru eianhpiricha jingoni eianhpini jauaka, arhia je náki presentasionijtsï eratsixaki úrani (Prov. 27:17). Mójtaku je presentasionini enga no marhuauaka.