Máru presentasionicha
La Atalaya 1 de disiembri
“Pʼorhembixakachi kʼuiripuni para uandontskuarhini ambe máeri engaksï uánikuecha eratsijka Bibliaeri. Uánikuechaksï respetarisïndi, peruksï eratsisïndi eska úkua jukaska kurhanguni. ¿Nájtsï eratsisïni cha? [Jurajku je eska mókuntaaka.] Exe je ma ambe engachi jimbo jatsika para uékani sánderu mítini Bibliani. [Arhinta je Roma 15:4.] I rebista explikarisïndi eska Biblia karakata jarhaska parachi kurhanguni. Ístujtsïni exerasïndi nénachi uá ísï úni.”
¿Ambemindusï jorhentpejki Biblia?
“Iáminduechachi uékasïnga jatsini familiani ma enga tsípikua jingoni irekaaka, ¿no ísïski? [Jurajku je eska mókuntaaka.] Biblia uandasïndi ma amberi engaksï iáminduecha uáka úni kʼumanchikuarhu paraka familia tsípikua jingoni irekaaka: xarhatani uékperakua májkueni eska Tata Diosï.” Arhinta je Efesu 5:1, 2 ka párrafu 4 pájineri 155.