Máru presentasionicha
La Atalaya 1 de abrili
“Íntsaxakachi ini trataduni ixuisï anapu kʼuiripuni. [Íntsku je trataduni ¿Nájtsï exesïni cha Bibliani? ka úku je kurhamarhikuechani engaksï orheta pájinarhu jaka. Tátsekua exera je mókuntskua enga Biblia íntspijka 2 Timoteo 3:16 ka pʼímarhi je arhintani trataduni jiáni enga tiempu jatsiaka.] Uánikua kʼuiripu no mítisti eska Biblia íntspiasïnga ambakiti mókuntskuechani para i jarhati kurhamarhikuecha. [Exera je kurhamarhikuechani engaksï orheta temarhu jaka de La Atalaya.] I rebista uandasïndi andisï jukaparhakue estudiarini Bibliani.”
Jucha uáka jindéni Tatá Diosïri pʼíchpirini
“¿Exesïntsï cha eskaksï ma jurhiani kʼamakurhiaka no sési úricha? Exe je ambe uandasïni Biblia ixú Ebreu 10:38, 39. [Arhinta je.] Tata Diosï no méni uékaspti eska parhakpinirhu no sési jánhaskuarhepiringa. Tata Diosïjtsïni aiachesïndi paraisu ma, nani enga nóteru jauakia kʼuiripu no sési úri. [Arhinta je párrafu 4 pájinarhu 9.] Parachi jima irekani jatsiskachi para Tata Diosïri amigueni. ¿Uékapirintsï mítini ambe uétarhisïni para Tata Diosïri amigueni? [Arhi je eskajtsï kʼuanhatsintaaka para mókuntani ini kurhamarhikua.]”