Táticha, jánguarhinta je jarhuataani chári sapiichani

Iámindu táticha engaksï kristianueka, uékasïndiksï eskaksï uájpecha ambakiti Jeobaeri marhuariuaka. Ka uátiksï jarhuataani engaksï jánguarhintaska pérani imecheri mintsitarhu Bibliaeri jurhimbikuechani desdekaksï sapirhatiuaka (Dt 6:7; Pr 22:6). ¿Fásiliski i ambe? Nómbe, uétarhisïndi kánikua ánchikuarhini, peru ambakiti ambe jauati engaksï jánguarhintaska (3Jn 4).

Uánikua ambeksï uáti jorhenguarhini táticha Joseri ejemplueri ka Mariaeri. Imaksï pʼindespti mándani uéxurhini nirani Jerusaleni Paskueri kʼuínchikuarhu, nájkiruka no fásilipka ka kánikua tumina uétarhini (Lu 2:41). Para Jose ka Maria sánderu jukaparhakuespti eska imeri familia sési japiringa Jeoba jingoni. Iásïjtu, tátichaksï uáti jarhuataani uájpechani paraksï ambakiti Jeobaeri marhuarini, engaksï méntkisï jánguarhintaaka jorhendaani uandakuecha ka ukuecha jingoni (Sl 127:3-5).

ENGAJTSÏ EXEAKIA BIDEUNI MÉNTKISÏKSÏ ORHETA PÉRASPTI JEOBANI, EXEA JE ARINI KURHAMARHIKUECHANI:

• ¿Nénaksï orheta péraspi Jeobaeri ambe Jon ka Sharon Schiller engaksï tʼarhexeraani japka uájpechani?

• ¿Andiksïsï táticha jatsi para jorhendani mándani sapini seguni eska na uétarhinchaaka?

• ¿Nénaksï uá táticha jorhendaani uájpechani orhepani uérakuani tsʼéjkukuechani?

• Jeobaeri kúnguarhikuajtsïni uánikua ambe íntskusïndi, ¿cha ambe ka ambe úraxaki parajtsïni jarhuataani chári sapiichani paraksï Jeobaeri amigueni?