¿Na xánchi jukaparharasïni Tata Diosïri Karakatani?

Bibliarhu arhisïndi ambe enga eratsijka Jeoba ka ístu ambe enga ima uandajka, imasï Kararkuarhiti ini xáni ambakiti libruni (2Pe 1:20, 21). Bibliarhu arhisïndi eska Tata Diosï imeri Reinuni úraaka para xarhatani eska imajkusï jukanchaka para juramuni, ka inde ambe, erokuarhikua ma íntsaasïndi kʼuiripuechani eska no ióni jimbo sési jánhaskuarhiaka. Ístu, Bibliarhu arhisïndi na enga xáni uékpitiika Jeoba, juchari Táti auandarhu anapu (Sl 86:15).

Uánikua ambe jimbo, iáminduchi jukaparharasïnga Tata Diosïri Karakatani. ¿Peruchi pauani pauani arhintasïni ka úsïnchi ambe enga jima arhijka? Jatsiskachi para juchari úkuecha jingoni xarhatani eskachi májkueni pʼikuarherasïnga eska salmueri karari, enga uandapka: “¡Xáni engani jukaparharajka chíti leini!” (Sl 119:97).

ENGAJTSÏ EXEAKIA BIDEUNI JUKAPARHARASPTIKSÏ BIBLIANI: MA PARTI (WILLIAM TYNDALE), MÓKUANTA JE ARINI KURHAMARHIKUECHANI:

• 

  ¿Andisï tradusiripi Bibliani William Tyndale?

• ¿Andisï xáni jukaparhakue enga xáni jánguarhintapka tradusirini Bibliani?

• ¿Ambeksï úspi paraksï úni paani Inglaterra máru kopiauechani Bibliaueri enga Tyndale tradusiripka?

• ¿Nénachi uá xarhatani eskachi jukaparharasïnga Tata Diosïri Karakatani?