Jorhenguarhi je néna sánderu sési aianhpeni: Imeri ambe uandontskuarhi je seguni ambe enga tsitiaka kʼuiripu

ANDISÏ JUKAPARHAKUE. Erakukatechaksï ka máteru karichicha pʼímarhiasïndi mámaru járhati kʼuiripuechani paraksï itsïmani “itsï tsípikueri” enga gratisika (Jaŋ 22:17). Itsï, imani ambe arhikuekasïndi ambe enga xáni úkia Jeoba para pʼímutantaani pekadueri ka uarhikueri imani kʼuiripuechani engaksï kurhajchaaka. Parachi jarhuataani kʼuiripuechani engaksï mámaru járhati pʼindekuechani jatsiaka ka mámaru ambeksï jakajkuni, jatsiskachi para úni eska mándani kʼuiripu uékaaka míteni “ambakiti aianhperakuani enga jindeka para méntkisï” (Jaŋ 14:6).

NÉNA ÚNI

• Eraku je Bibliaeri karakata ma ka exe je amberijtsï uá uandontskuarhekuni imani kʼuiripuni enga chári territoriurhu ísï irekaka parajtsï mintsitarhu niárakuni. Uákajtsï erakuni ejemplu ma partirhu “Ambechi uá uandontskuarheni” o eratsentani ambeksïni jarhuataskia chánksïni para kʼuiripu sési kurhaani. ¿Amberiksï uékasïni kurhaani o náki Bibliaeri karakata sánderu marhuasïni? ¿Náki notisia uéraski iásï sáni engaksï jimbo kʼuiripuecha uandanhiani jaka? ¿Amberi uékasïni uandontskuarheni tataka ma o nanaka ma?

• Parajtsï uandontskuarhekuani, miá je ambe pʼindeski úni jimesïsï anapu kʼuiripu ka nénaksï uandajperasïni (2Ko 6:3, 4).

• Sési míte je náki publikasionichani ka bideuechanchi úraasïni para jorhentpini, ísï úparini, uákajtsï úraani imani kʼuiripuechani jingoni engaksï uékaaka sánderu ambe míteni.

• Késkua je publikasionichani ka bideuechani imani idiomecha jimbo enga chári territoriurhu anapu kʼuiripu uandajka.

• Imeri ambe uandontskuarheku je kʼuiripuni seguni ambe enga ima uétarhinchajka (1Ko 9:19-23). Por ejemplu, ¿ambejtsï arhipirini kʼuiripuni ma engajtsï mítepiringa eska iásï sáni uarhiranchaska nemani?

ENGAJTSÏ EXEAKIA BIDEUNI, MÓKUANTA JE ARINI KURHAMARHIKUECHANI:

• ¿Ambeeri uénaspi uandontskuarheni aianhpiri?

• ¿Ambe nitamakuarhixapi kʼuiripu?

• ¿Náki Bibliaeri karataka sánderu sési jarhaspi para arhikuntani ka andi?

• ¿Ambejtsï úsïni cha parajtsï imeri ambe uandontskuarhekuni chári territoriurhu anapu kʼuiripuni seguni ambe engaksï imecha tsitiaka kurhaani?