¿Ambe sánderuni jukaparharasïni?

Jakobu ánjeli ma jingoni uarhipespti para úni pʼirani ambe ma enga kánikua jukaparhakueka, eska Jeoba újchakurapiringa (Gé 32:24-31; Os 12:3, 4). ¿Ka juchaia? ¿Na xánchi jánguarhintaxaki kurhajchani Jeobani ka parajtsïni újchakurani? Por ejemplu, engachi jatsipiringa para erakuni sini nirani tánguarhikuarhu o sánderu sáni ióni ánchikuarhini, ¿ambechi úpirini? Engachi íntskuska Jeobani sánderu ambakiti ambe engachi jatsika, juchari tiempu, uinhapikua ka jatsikuarhekua ambe, imajtsïni xáni uánikua ambe íntskuati engachi jamberi no ma ambe kueratanchaaka (Mal 3:10). Imajtsïni orhechipaati, kuájchakuati ka pendienti jauati parachi jatsini ambe engachi uétarhinchani jauaka (Mt 6:33; Eb 13:5).

ENGAJTSÏ EXEAKIA BIDEUNI ASÏ MIRIKURHI AMBE ENGARI UÉJKA ÚNI JEOBANI JIMBO MOKUANTA JE ARINI KURHAMARHIKUECHANI:

• 

  ¿Na jásï tsʼéjkukua niáraspi jatsini pirenchi?

• 

  ¿Andisï juchari ánchikuarhita úpirini tsʼéjkukua máeni?

• 

  ¿Andisï Timoteu jatsipi para seguirini jarhani jánguarhintani sánderu ambe úni Jeobani jimbo nájkiruka ambakiti pájperata ma jatsipkia Jeobani jingoni? (1Ti 4:16).

• 

  ¿Nénachi xarhatasïni náki ánchikuarhita sánderu jukaparhakueski para jucha?