KRISTIANUECHERI IREKUA
¿Andichisï jatsi para jánguarhintani sánderu ambe úni para Tata Diosï Jeobani marhuakuni?
Uánikua erachicha ka pirenchichaksï jánguarhintaxati sánderu ambe úni para Tata Diosïni marhuakuni, komu paraksï prekursori úkuarhini, Beteli marhuani o konstruksionirhu jarhuajpeni. Ístu, uánikua erachichaksï jánguarhintasïndi paraksï niárani orhejtsïkutiini kúnguarhikuarhu (1Ti 3:1). Peru, ¿arhikuekasïni i ambe eskachi kristianuecha jatsiska para sánderu ambe uékani jatsini ka pribilejiuechani jatsiani kúnguarhikuarhu solu parachi sánderu kʼéri ambe exenhani?
ENGAJTSÏ EXEAKIA BIDEUNI ¿ANDICHISÏ JATSI PARA JÁNGUARHINTANI SÁNDERU AMBE ÚNI? (1TI 3:1), MÓKUNTA JE INI KURHAMARHIKUA:
¿Náki tanimu ambeksï uandasïni i karakatecha engachi jimbo jatsika para jánguarhintani sánderu marhuakuni Tata Diosïni?