Néna úrani partini “Ambechi uá uandontskuarheni”

Parti “Ambechi uá uandontskuarheni” uéraxati primeru pájinarhu Programaeri para ánchikuarhini tánguarhikuarhu Kristianuecheri Irekua ka Aianhpikua desde eneru 2018 uératini. ¿Nénachi jatsiski para úrani?

Particharhu engaksï jindeka para jorhenguarhiricha. Jatsiskachi para úrani kurhamarhikuani, karakatani ka kurhamarhikuani para jurajkuni engaksï jima jukaka. Joperu no uétarhisïndi eskachi iámindu ambe ísï uáka eska na xarharaaka bideurhu. Por ejemplu, uákachi jucha exeni nani ka néna aianhpini, mójtakuni na engachi uénaaka uandontskuarheni o máteru ambe arhini kʼuiripuni para kurhangutarani. Ístuchi uáka úrani publikasioni ma engachi úrajka para jorhentpini nájkiruka jima no ísï arhiaka.

Aianhpikuarhu. Para ambe enga marhuajka parti “Ambechi uá uandontskuarheni” jindesti parajtsïni exerani na engachi jatsika para aianhpini. Enga kʼuiripu ma uékaaka sánderu ambe míteni, uákajtsï útasï uandontskuarhekuni ka astajtsï jamberi uáka mókuntani imani kurhamarhikuani enga jindeka para pʼorhembintani. Uákachi mójtakuni sáni o méntku mójtakuni. Jimesïsï engachi aianhpijka, ¿sánderu marhuapirini máteru ambeeri uandani o máteru karakata úrani? ¿Úkuarhiski iásï sáni ambe ma enga uandanhiatani jaka kʼuiripuni? Uákachi úrani partini “Ambechi uá uandontskuarheni” seguni eska na uétarhiaka, peruchi no jatsiska para mirikurhini eska ambe engachi uéjka, jindeska iámindu ambe úni “ambakiti aianhperakuani jimbo” , parachi máteruechani aianguani (1Ko 9:22, 23).