Nénachi uaa úrani partini ambechi uaa uandontskuarheni

Parti ambechi uaa uandontskuarheni kánikua sési úkata jarhasti ka uánikua aianhpirichaksï uandasïndi eska sési marhuasïnga imeecheri territoriurhu. Joperu, no iámindu territoriuecharhu májkueni marhuasïndi. Ísï jimbo, engaksï uérajka aianhpini publikadorichaksï uaati úrani ini partini eskaksï na sési exeaka o máteru amberi uandontskuarheni engaksï kʼuiripuecha uékaka kurhaani. Joperu, jatsiskachi para ísï úni eskachi na arhinhaaka jiáni enga kampania espesiali ma jauaka. Ambe engachi uéjka, jindeesti ísï úni eskajtsïni Jesúsi na juramuchika: aianhpini ambakiti aianhperakuani Reinueri (Mt 24:14).

Enga aianhpiri ma nitamataraaka parti ma tánguarhikuarhu enga entre semana úkuarhijka, jatsisti para úrani temani enga jaka partirhu ambechi uaa uandontskuarheni enga Programa para tánguarhikua jimbo jaka. Enga no máteru ambe uandanhaaka, uaati máteru kurhamarhikua úrani, karakata, kurhamarhikua para jurajkuni o imani ambe úrani seguni ambe enga úkuarhini jauaka jimeesïsï enga ima aianhpijka. Ari informasioni jimbanhisti ka sánderu úrakuarhiatia ka eska ima enga uéraka pájina 8 jimbo Programarhu para tánguarhikua juniueri de 2020.