JU JE SÁNDERU AMBAKITI JORHENTPIRICHENI
Jorhenguarhi je néna sánderu sési aianhpeni: preparari je chári presentasioni para rebistecha
ANDISÏ JUKAPARHAKUE: Nájkiruka ejempluecha engaksï jaka Programarhu para ánchikuarhini, kánikua marhuajka, soluksï ejempluechesti. Uákajtsï chári uandakuechani jimbo úraani. Jamberijtsï uékaaka ménderueni uénani uandontskuarhini íri ambe, o asta máteru amberi enga chári territoriurhu anapu kʼuiripu sánderu tsitiaka. Engajtsï ísï uékajka úni, orheta, arhinta je rebistani, exea je presentasionichani engaksï uénakuarhu jaka ka exea je presentasionicheri bideuechani; ka preparari je chári presentasioni úparini eska ixú na arhijka.
NÉNA ÚNI:
¿Úraajtsï ma ísï presentasioni enga uénakuarhu jaka?
JO
Preparari je ambejtsï arhia engajtsï saludariuaka kʼuiripuni ka engajtsï arhiaka andijtsïsï pʼorhembini jaki. (Ejemplu: “Jurhaska jimboka...”).
Eratsi je nénajtsï uá úrani kurhamarhikua ma, textu ma ka publikasioni ma. (Ejemplu ma, parajtsï úni arhintani textu ma, uákajtsï arhini: “Exe je ambe enga arhijka Biblia”).
NÓMBE
Eraku je rebistecharhu, tema ma engajtsï tsitiaka ka enga territoriurhu anapu kʼuiripu uékaaka mítini.
Eratsi je ambejtsï úpirini kurhamarhini kʼuiripuni para imajtu uandontskuarhini, peru asï no sési pʼikuasta je. (Ejemplu: úra je kurhamarhikuani enga pájina 2 jaka rebistecharhu).
Eraku je textu ma ka arhinta je. (Engajtsï ¡Despertad! aiatspini jauaka, uákajtsï arhintani textu ma o nómbe, jimboka i rebista jindeska para imecha engaksï no káni mítika Bibliaeri ambe o engaksï no mintsikajka relijionini).
Preparari je ma o tsimani frase parajtsï arhini kʼuiripuni néna jimbo jarhuataa tema enga arhintaska.
ENGA JO O ENGA NÓMBE
Preparari je kurhamarhikua ma parajtsï máteru uelta mókuntani.
Kara je ambe engaksïni jarhuataaka mítini ambe uandani engajtsï pʼorhembintaaka.