Kampania espesiali nobiembriri para Tata Diosïri Juramukueri ambe aianhpini

Jesusi aianhpispti “ambakiti aianhperakua [Tata] Diosïri Juramukuerini” ka jorhendaspti kʼuiripuni para kurhajkuarhini ini Juramukuani (Lu 4:43; Mt 6:9, 10). Nobiembrini, sánderuchi jánguarhintaaka aianhpini Tata Diosïri Juramukueri ambe (Mt 24:14). Ju je exeni nénachi uá arhutani tiempu parachi sánderu aianhpini ini kampania jimbo. Ka ini kutsï jimbo, prekursori auksiliarichaksï uáti 30 o 50 ora úni.

Ini kampania jimbo, arhikuanta je kʼuiripuechani karakata ma enga Tata Diosïri Juramukueri ambe uandajka. Engajtsï erakuni jámaaka karakatani, exe je ambe engaksï jakajkujka jima anapu kʼuiripuecha engajtsï aianhpijka. Engaksïni kʼuiripu ma sési kurhajchaaka jiáni engajtsï primeru xanhari uandontskuarhekuaka, jurajkuku je rebistani Aianhpiri (enga jindeka para kʼuiripuni jurajkukuni) núm. 2, 2020. Sóntku ni je pʼorhembintani kʼuiripuni ka jánguarhinta je uénani Bibliaeri jorhenguarhikua ma, úraparini publikasioni ma engachi úrajka para jorhentpini. Nóteru ióni kuerataxatia paraka Tata Diosïri Juramukua kʼamajkuauaka iámindu Parhakpini anapu juramutichani (Da 2:44; 1Ko 15:24, 25). Ísï jimbo, ju je jánguarhintani na engachi xáni uáka parachi xarhatani eskachi no méni jurajkuaka Jeobani ni imeri Juramukuani.