Kampania espesiali para Tata Diosïiri Reinueri ambe aianhpini septiembrini

Septiembrini, sánderuchi jánguarhintaaka aianguani iámindu kʼuiripuechani eska Tata Diosïiri Reinujkusï uaaka sési peentani kʼuiripuecheeri problemeechani (Mt 24:14). ¿Ambejtsï uaa úni parajtsï jarhuajpeni ini kampania jimbo? Ini mesi jimbo, arhikuanta je iámindu kʼuiripuechani engajtsï xáni uaaka, tekstu ma enga Tata Diosïiri Reinueri ambe uandajka. Enga nema uékaaka sánderu ambe míteni, íntsku je rebistani Aianhpiri númeru 2, 2020 anapu (para kʼuiripuni jurajkukuni). Jánguarhinta je sóntku pʼorhembintani kʼuiripuni ka ístu jánguarhinta je ueenani Biblieri ambe jorhendani foietu jingoni Tsípikua jingoni ireka je. Imeecha engaksï prekursori auksiliariuaka septiembrini, uaatiksï 15 o 30 ora íntspintani.

Nóteru ióni kuerataxatiia paraka Tata Diosïiri Reinu kʼamajkuauaka Parhakpinirhu anapu gobiernuechani (Da 2:44; 1Ko 15:24, 25). Ju je janguarhintani xáni eskachi xáni uaaka ini kampania jimbo para xarhatakuni Tata Diosï Jeobani eskachi apoiarisïnga imani ka imeeri Reinuni.