KRISTIANUECHERI IREKUA
Engachi jiókuarhijka enga Jeoba jurhimberantajka nemani, uékperakuachi xarhatasïnga
Enga nema petanhantajka kúnguarhikuarhu jindesti para kuájchakuni kúnguarhikuani ka marhuasïndi para jurhimberantaani imechani engaksï no móantajka (1Ko 5:6, 11). Uékperakuachi xarhatasïnga engachi jiókuarhijka enga Jeoba jurhimberantajka nemani. Joperu, ¿néna uá i ambe ísïni jimbokachi míteska eska enga nema petanhantajka kúnguarhikuarhu, kánikua no sési pʼikuastasïnga imeri familiani ka ístu orhejtsïkutichani engaksï Komite judisiali úkuka?
Orheta, jimbokachi jukaparharasïnga na engachi pakataaka Jeobani ka imeri pímbinhasï juramukuechani (1Pe 1:14-16). Ka ístuchi uékperakua xarhatakusïnga imani enga petanhantajka. Nájkiruka no sési pʼikuastpijka enga nema jurhimberanhantajka uáti jarhani “ambakiti frutu enga jindeeka sési jángua” (Eb 12:5, 6, 11). Engachi seguirini japiringa imani jingoni pájperani enga petanhantaka kúnguarhikuarhu o imani jingoni enga xarhatajka eska nóteru uékasïnguia Jeobaeri testigueni, nóchi jurajkuni japiringa eska Jeoba jurhimberantaaka. Miá je eska Jeoba jurhimberantasïnga nemani “asta nani enga jamberi uétarhiaka” (Jer 30:11). Ju je erokuarhini eska ima enga petanhantaka kúnguarhikuarhu kʼuanhatsentaaka juchari Táti pʼamojkpiti jingoni. Ka ju je apoiarini Jeobani ka imani ambe úni enga ima uéjka (Is 1:16-18; 55:7).
ENGAJTSÏ EXEAKIA BIDEUNI JU JE AMBAKITI KA MÁJKU MINTSITA JINGONI JÁMANI PARA JEOBA JINGONI, MÓKUANTA JE ARINI KURHAMARHIKUECHANI:
¿Nénaksï pʼikuarherasïni táticha enga uájpa ma jurajkujka Jeobani?
¿Néna uá kúnguarhikua jarhuatani familiani?
¿Náki Bibliaeri ejemplu xarhatasïni eska sánderu jukaparhakueska no jurajkuni Jeobani ka eska familiani?
¿Nénachi xarhatasïni eska sánderu jukaparhakueska no jurajkuni Jeobani ka eska familiani?