KRISTIANUECHERI IREKUA
Sésichi organisadu jarhaska para iáminduechani aianguani
Ísï eska Jeoba na organisaripka ireta Israelini, ini jurhiatikuecha jimbo májkueni úsïndi imeri ireta jingoni paraka uáka ambe enga ima uéjka. Interu parhakpini anapu Betelicha, sirkuituecha, kúnguarhikuecha ka grupuecha aianhpikueri, sésiksï organisarikuarhisïndi paraksï iáminduechani aianguani ambakiti ambe ka ístu imechani engaksï máteru idioma uandajka (Jaŋ 14:6, 7).
¿Ménisïjtsï eratseski máteru idioma jorhenguarhini parajtsï jorhendaani jurhimbikua ambe máteruechani? Engajtsï no jatsiaka tiempu parajtsï jorhenguarhini idioma ma, uákajtsï úrani aplikasioni JW Language parajtsï jorhenguarhini presentasioni ma. Ka jiáni engajtsï uáraaka májkuentsï sési pʼikuarheraaka, eskaksï primeru sigluru anapu erachicha engaksï aianguapka “kʼéri ambe enga Diosï úka” máteru paisi anapu kʼuiripuechani imecheri idioma jimbo (Uk 2:7-11).
ENGAJTSÏ EXEAKIA BIDEUNI JEOBAERI AMIGU ÚKUARHI: EIANHPI MÁTERU IDIOMA JIMBO, MÓKUANTA JE ARINI KURHAMARHIKUECHANI:
¿Kánichi uá úrani aplikasioni JW Language?
¿Ambe ka ambe jukaski i aplikasioni?
Iámindu kʼuiripuecha engaksï máteru idioma uandajka, uétarhinchasïndiksï kurhaani ambakiti ambe.
¿Náki idiomecha uandanhasïni jimesïsï engachi jucha aianhpijka?
¿Ambechi jatsipirini para úni enga kʼuiripu ma enga máteru idioma uandajka uékaaka sánderu ambe míteni Reinueri ambe? (od-S páj. 100 párr. 39-41).