Ambe enga ma nitamakuarhini jarhajka niárasïndi kʼamakurhini

Engachi uandanhiatechani jatsiajka niárasïngachi kómu pʼikuarherani ka sánderia engaksï ióndajka sési niántani. Dabidi mítespti eska uandanhiata enga Saúlini jingoni jatsipka niárapiringa sési niántani ka eska ima niárapiringa reini ísï eska Tata Diosï Jeoba na aiakupka (1Sa 16:13). Jimboka Dabidi mintsikasïreenga Tata Diosïni, tekaantskua jingoni erokuarhispti eska ima jarhuatapiringa.

Engachi no sési nitamakuarhini jauaka uaakachi jánhaskakua jingoni jámani parachi úni sési peentani uandanhiatani (1Sa 21:12-14; Pr 1:4). Joperu nájkirukachi jánguarhintajka ísï úni eska Biblia na arhijka, ménichanchi no úsïnga sési peentani uandanhiatani. Engachi ísï nitamakuarhiaka, jatsiskachi para tekaantskua jingoni erokuarhini eska Tata Diosï Jeoba uaaka ambe ma. No ióni jimbo, ima kʼamajkuati iámindu ambe engajtsïni no sési pʼikuastajka ka ‘kutsunharhikuatijtsïni’ iámindu uekua (Jaŋ 21:4). Jamberichi juchaari uandanhiatecha sési niántaati jimboka Tata Diosï Jeoba uaaka ambe ma o máteru ambe jimbo, joperuchi kʼóru uaaka seguru jarhani eska ambe engachi nitamakuarhini jarhajka, niárasïnga kʼamakurhini. Míteni ini ambe sésijtsïni pʼikuastantasïndi.

ENGAJTSÏ EXEAKIA BIDEUNI IRETA MA ENGA MÁJKU KʼÉRI JAKA NÁJKIRUKA PARHAKPINIRHU TÁCHANISÏ JÁNHAJKA, MÓKUANTA JE ARINI KURHAMARHIKUECHANI:

• ¿Ambe jimboksï nitamakuarhispi uánikua erachicha engaksï suri de Estados Unidos irekapka?

• ¿Nénaksï xarhataspi tekaantskua ka xénchperakua?

• ¿Ambeksï sánderu jukaparharasïreni erachicha? (Flp 1:10).