Temungurhirikua jindeesti para méntkisï

Temungurhiricha engaksï sési irekuarhini jarhajka kʼéri ambeksï arhisïndi Tata Diosï Jeobani ka tsípikua jingonksï irekasïndi (Mr 10:9). Kristianu ma jatsisti para úni ambe engaksï uandajka Biblieri prinsipiuecha enga exeni jauaka né jingoni uambuchaa o tembuchaa enga uéjka eska imeeri temungurhirikua no méni kʼamakurhiaka ka eskaksï tsípikua jingoni irekaaka.

Asï jáma je nobia o nobiu kámani astakajtsï na jatiriuakia, i ambe arhikuekasïndi jiáni engajtsï uaakia pʼíngukuarhini ka nóteru xáni pʼikuarherania relasioni seksuali ambe jatsini, jimboka i ambe úsïnga eska nema no uaaka sési úni ambe ma (1Ko 7:36). Engajtsï nótki uambuchani o tembuchani jaka, jánguarhintsï je sánderu sési pájperani Tata Diosï jingoni ka parajtsï ambakiti kualidadichani jatsiani. Ísïjtsï uaaka sánderu ambakiti uámba o témba máeni.

Ante dejtsï tembuchani o uambuchani, jánguarhinta je sési míteni na enga jásïika ima kʼuiripu (1Pe 3:4). Uandontskuarhi je ima ambeeri engajtsï chá uéjka míteni ima kʼuiripueri engajtsï jingoni uéjka uambuchani o tembuchani. Engachi sési pájperajka nemani jingoni, jánguarhintasïngachi exeni ambechi uaa íntskuni imani kʼuiripuni ka no ambe engajtsïni ima uaaka íntskuni ka temungurhirikuarhu májkueni úkuarhisïndi (Flp 2:3, 4). Engajtsï ísï úska iásï eskaksï Biblieri prinsipiuecha na uandajka, sánderu fásiliuati ísï úni eskaksï i prinsipiuecha na uandajka jiáni engajtsï uambuchaakia o tembuchani ka uaakajtsï tsípikua jingoni irekuarhini.

ENGAJTSÏ EXEAKIA BIDEUNI NÉNA PREPARARIKUARHINI PARA TEMBUCHANI O UAMBUCHANI. PARTI 3: SÉSI ERATSEKUNTA, MÓKUANTA JE ARINI KURHAMARHIKUECHANI:

• ¿Nénaksï seguirispi sánderu sési pájperani pirenchi ka Shane?

• ¿Ambeeri kuenta íntskukuarhespi pirenchi enga sánderu sési mítepka Shaneni?

• ¿Nénaksï jarhuataspi pirenchini imeeri taati jémbeecha, ka ambe úspi pirenchi?