Mintsika je eskajtsï uaaka orhepani uérani engajtsï no xáni sentabu jatsiaka

Úkua jukasti irekani ini últimu jurhiatikuechani jimbo jimbokaksï uánikua uandanhiatecha jarhaska. Ka jimboka nóteru ióni pakaraxakaia paraka i parhakpini kʼamajkunhaaka, sánderuchi uandanhiatechani jatsiauaka. Asta niáraakachi jamberi no jatsini máru ambe (Hab 3:16-18). ¿Ambejtsïni jarhuataa parachi mintsikani eskachi uaaka orhepani uérani engachi no xáni sentabu jatsiaka? Jatsiskachi para seguru jarhani eskajtsïni Tata Diosï Jeoba jarhuataaka. Ima aiatspesïndi eska kuidariuauaka imeeri amiguechani ka uaatijtsïni íntskuni ambe engachi uétarhinchani jauaka ambe uéjki jimbochi nitamakuarhini jarhani (Sl 37:18, 19; Eb 13:5, 6).

¿Ambejtsï uaa úni?

• Andarhiera je Tata Diosï Jeobani paraksïni arhistachini, jánhastani ka paraksïni jarhuatani (Sl 62:8).

• Imani ambe ánchikuarhi je engajtsï antesi no ueenga (g 1/10-S páj. 8, 9, rekuadruecha).

• Seguiri je imani ambe úni enga sánderu jukaparhakueka, komu pauani pauani Bibliani arhintani, tánguarhikuecharhu nirani ka aianhpini.

ENGAJTSÏ EXEAKIA BIDEUNI JU JE KʼUMANCHIKUA MA ÚNI ENGA AGUANTARIUAKA. JU JE TSÍPINI IMANI AMBE JINGONI ENGACHI JATSIKA, MÓKUANTA JE ARINI KURHAMARHIKUECHANI:

• ¿Náki uandanhiatechanksï jatsiaspi i familiecha?

• ¿Ambesï sánderu jukaparhakue?

• ¿Nénachi uaa jarhuataani imeechani engaksï no kánikua sentabu jatsikuarheka?