KRISTIANUECHEERI IREKUA
Ísï exekuarhi je eskaksïni Tata Diosï Jeoba na exejka
“Tata Diosï Jeoba sési pʼikuarherasïn[di] imeeri ireta jingoni” (Sl 149:4). Nájkirukachi no perfektueka ima exeasïndi juchaari kualidadiichani ka ambe engachi újka úni. Joperu jamberi, ménichanchi jucha no újka ísï exekuarhini eskajtsïni Tata Diosï Jeoba na exejka. Na engajtsïni kámajka máteruecha ka ambe engachi ióntki no sési úka, újti eskachi ísï pʼikuarheraaka eskachi no ma ambe úsïnga sési úni o eskachi no jukanchaska eskajtsïni Tata Diosï Jeoba xénchaaka. Enga chá ísï pʼikuarherajka, ¿ambeksïni uaa jarhuatani?
Miá je eska Tata Diosï no ísï exesïnga ambe ma eskaksï kʼuiripuecha na exejka (1Sa 16:7). I ambe arhikuekasïndi eska ima úsïnga exeni ambe engachi jucha no újka exeni. Ka Bibliajtsïni arhisïndi ambe enga exejka juchaari ambe. Engajtsï arhiantaaska máru bersikuluechani ka engajtsï jorhenguarhiska ambe enga Biblia uandajka máru kʼuiripuecheeri ambe, exeakajtsï na enga xáni xénchaajka Tata Diosï Jeoba imeeri marhuariichani.
ENGAJTSÏ EXEAKIA BIDEUNI Ú JE ESKA CHAARI MINTSITA MÍTETINI JAUAKA ESKAKSÏNI TATA DIOSÏ XÉNCHASÏNGA, MÓKUANTA JE ARINI KURHAMARHIKUECHANI:
¿Ambejtsïni jorhendasïni ejemplu tumbiiri enga uiriijka ka imeeri taati jémbeeri na engajtsïni exejka Tata Diosï Jeoba?
Enga nema kánikua no sési ambe niátaka joperu enga jánguarhintakia mójtakurhini ka sési pájperantani Tata Diosï Jeoba jingoni, ¿ambe uaa úni paraka imeeri mintsita mítetini jauaka eska Tata Diosï xénchasïnga? (1Jn 3:19, 20).
¿Néna jarhuataspi erachini arhintani ka eratsentani ambe enga Biblia uandajka Dabidiiri ka Jeosafatiiri ambe?