¿Miásïntsï?

¿Arhiantaskijtsï últimu rebisteechani Aianhpiri? Exe je sintsï uaa mókuantani arini kurhamarhikuechani:

¿Nénajtsïni marhuachea engachi tiempu arhutaska parachi uandontskuarheni Tata Diosï Jeoba jingoni, kurhajchani ka eratseni imeeri ambe?

Uaakachi sánderu sési erakuni úni ambe ma, sánderuchi sési jorhentpiaka, sánderuchi mintsikaaka ka xénchani Tata Diosï Jeobani (w22.01, pájineecha 30 ka 31).

¿Andisï sési jaki eskachi mintsikaaka Tata Diosï Jeobani ka imeechani enga ima úraajka parajtsïni orhejtsïkuni?

Iásïchisï jatsika para mintsikani na enga újka Tata Diosï Jeoba ambe ma. Ka xarhatani jarhasïngachi eskachi ísï úsïnga engachi mintsikajka ambe engaksï orhejtsïkutiicha erakujka úni ka engachi ísï újka eskajtsïni na arhijka. Enga kʼéri mískuarhita ueenakuarhiaka, listuchi jauaka para kurhandini ambe engachi arhinhaaka para úni, nájkirukachi ísï exeaka enajkichi no uaa ísï úni o eska no marhuauaka ísï úni (w22.02, pájineecha 4 a 6).

¿Andisï ánjeli ma arhipi Sakaríasini eska exepiringa plomadani juramuti Sorobabeliiri jájki jimbo? (Zac. 4:8-10).

Ambe enga Sakaríasi exepka, úspti eska Tata Diosïiri ireta seguru japiringa eska ima templu enga únhantani japka kʼamarakuarhipiringa nájkiruka sánderu arisku jáxepka ka eska Tata Diosï Jeoba jaiapanhentapiringa (w22.03, pájineecha 16 ka 17).

¿Ambechi uaa úni parachi ambakiti ejemplu máeni imani ambe jingoni engachi uandajka? (1 Tim. 4:12).

Sési uandontskuarheni ka janhanharhikua jingoni aianhpikuarhu, tsípikua jingoni pireni tánguarhikuecharhu ka pʼindeni komentarini. Ístu méntkisï jurhimbitku uandani, uinhaperantaani máteruechani ka no jámani imani ambe uandani enga no sési pʼikuastpiaka (w22.04, pájineecha 6 a 9).

¿Andisï animali enga Jaŋaskuecha 13:1, 2 jimbo uandajka uánikua ambe juka máteru tʼámu animaliicheeri (o juramukuecheeri) enga Daniel kapitulu 7 jimbo uandajka?

Animali enga Jaŋaskuecha kapitulu 13 jimbo uandajka no arhikuekasïndi máechakua juramukuantku, komueska Roma. Sánderu sési, arhikuekasïndi iámu juramukuechani engaksï kʼuiripuechani juramukuajka (w22.05, pájina 9).

¿Ambechi uaa úni parachi xarhatani eskachi mintsikasïnga eska Tata Diosï Jeoba justisia uaaka?

Engajtsïni nema no sési pʼikuastaka, no sési arhini, o engajtsïni no sési ambe úchika, jánguarhintasïngachi no jatanhekuni ni ikiakuni imani kʼuiripuni ka iámindu ambe Tata Diosï Jeobaeri jájki jimbochi jurajkusïnga. Ima, sési peentaati iámindu ambe enga pekaduni jimbo no sési úkuarhini jaka (w22.06, pájineecha 10 ka 11).

Enga erachi ma arhinhaaka eska kómarhiaka tánguarhikuarhu, ¿ambe jatsiski para miáni jarhani?

Eskaksï kómarhikuecha no jindeeska para konseju íntskuni kúnguarhikuani ni para aianhpini ambe ma. Ka eska no jatsiska para ióparharani kómarhikuani, sánderia enga jindeuaka para tánguarhikua ma ueenani (Mat. 6:7) (w22.07, pájineecha 24 ka 25).

¿Ambe arhikuekasïni eska “imeecha engaksï no sési ambe niátaka” tsíntaakaksï “paraksï jusgarinhani”? (Juan 5:29, TNM).

Imeechaksï no jusgarinhaati paraksï no sési úminhani imani ambe jimbo engaksï ióntki úka. Sánderu sési, i ambe arhikuekasïndi eskaksï exenhaaka na engaksï jámaaka ka ambe engaksï uaaka ísï tátsekua engaksï na tsíntaakia paraksï úni jusgarinhani (w22.09, pájina 18).

¿Ambe ambakiti ambe aianhpispi erachi Joseph Rutherford kʼéri tánguarhikua ma jimbo enga septiembrini 1922 jimbo úkuarhipka?

Kʼéri tánguarhikua ma jimbo enga Cedar Point (Ohio, Estados Unidos) úkuarhipka, erachi uandaspti: “¡Exe je, Rei juramuxatiia! Chájtsï jindeeska imeeri aianhpiricha. Ísï jimbo, aianhpi je, aianhpi je Reiini ka imeeri reinueri ambe” (w22.10, pájineecha 3 a 5).

Eska na uandajka Isaías kapitulu 30, ¿ambe tanimu ambe úsïni Tata Diosï parajtsïni jarhuatani tekaantani?

I kapitulu xarhatasïndi eska Tata Diosï Jeoba 1) kurhauasïnga ka mókuantani juchaari kómarhikuechani, 2) eskajtsïni arhistachisïnga ka 3) eskajtsïni újchakurasïnga iásï ka eskajtsïni ístu újchakuraaka sánderu orhepani (w22.11, pájina 9).

¿Andichisï újki uandani eskaksï uandakuecha engaksï Salmo 37:10, 11, 29 jimbo jaka, niáraspkaksï ísï úkuarhini ióntki ka eskaksï ístu niáraaka ísï úkuarhini sánderu orhepatini?

Dabidiiri uandakuechaksï xarhatasïndi na engaksï xáni sési irekeenga Israeli anapuecha, pori ejemplu jiáni enga Salomóni juramuni japka. Ka enga Jesúsi Paraisueri ambe uandani japka enga sánderu orhepatini jauaka, bersikuluni 11 úraspti (Mat. 5:5, TNM; Luc. 23:43, TNM) (w22.12, pájiineecha 8 a 10 ka 14).