Tata Diosï uékasïndi eskajtsï sési jauaka
BIBLIARHUCHI exeantasïnga sánderu ambakiti konsejuechani, jimboka i libru Tata Diosïiriska. Ka nájkiruka no uandajka medisineeri ambe, kánikuajtsïni jarhuatasïndi jimbokajtsïni arhisïnga néna orhepani uérani engachi uandanhiani jarhajka, engachi imani ambe eratseni jarhajka engajtsïni no sési úchijka, engachi no sési pʼikuarherani jarhajka ka engachi pʼamenchakua ma pʼirajka o engachi pʼamenchakua ma kámajka mentirhu.
Ístu Bibliajtsïni jorhendasïndi eska Tata Diosï Jeobajkujtsïnisïa újka sési kurhanguchini jimbokajtsïni ima kueraaska. Ísï jimbo, sési mítesti ambe engachi eratsejka ka na engachi pʼikuarherajka. Imajtsïni uékasïndi kuidariini ka juchantsïni jingoni jarhani jiáni engachi no sési nitamakuarhini jarhajka. Pori ejemplu, exe je ambe engaksï uandajka ari Biblieri karakateecha. Kánikuaksïni sési pʼikuastantaati.
“Tata Diosï Jeoba imeecha jingoni jarhasti engaksï no sési pʼikuarhinhini jarhajka mintsitarhu ka pʼímutaantasïndi imeechani engaksï kánikua komu pʼikuarherani jarhajka” (SALMO 34:18).
“Jimboka ji, chiiti Tata Diosï Jeoba, jupikatixaka chiiti jájkini jurhijkandani anapu; jíkenisï arhini jaka: ʻAsï ché. Jíkeni jarhuataakaʼ” (ISAÍAS 41:13).
Jiájkani, ¿nénajtsïni jarhuatasïni Tata Diosï Jeoba orhepani uérani engachi pʼamenchakua ma kámajka mentirhu? Máteru artikuluecha jimbo, exeakajtsï na engajtsïni Tata Diosï uéjka kuidariini ka jimbojtsïnisï mámaru ambe íntskujti parajtsïni jarhuatani.
a Tata Diosï arhinhasïndi Jeoba (Salmo 83:18).