Úni ambe enga sési jaka: Iáminduechachi jatsiska para exeni ambesï sési jaki ka ambe nómbe

Pori ejemplu, ¿ambejtsï úpirini engajtsï uékapiringa nirani nani joperujtsï no miiuni?

1. 1. Eratsepirintsï, ji exesïnga eska ini xanharu jimbo uaaka niárani, ka imani ambejtsï úni ambe enga chá sési exejka.

2. 2. Ojtsï chúxapaapirini máteruechani mintsikaparini eskaksï imeecha miiuska.

3. 3. Ojtsï sánderu sési exepirini mapa ma o kurhamarhini nemani enga sési miiuka.

Engajtsï primerani o segunduni erakuska, jamberijtsï niárajka nani, joperu no meru jima enga chá uékani japka. Ka engajtsï últimuni erakuska uaakajtsï sési jimbo seguru jarhani eskajtsï niáraka jima nani eskajtsï chá uékani japka.

Ambe engachi jucha pauani pauani erakujka úni, ísïisti komueska iauanisï nirani, uékasïngachi imani lugari jimbo niárani nani engachi uaaka tsípikua jingoni irekani. Jimbosï xáni jukaparhakueti eskachi jatsiaka ambe ma engajtsïni jarhuataka ísï úni ka engachi uaaka mintsikani.

Uánikua xanhari, ambe engachi erakujka úni no ma ambe mójtakusïndi, joperu ménichani méntku iámindu ambe mójtakusïndi na engachi irekajka. Ambe enga jucha erakujka úni xarhatasïndi na engachi kʼuiriperanhajka. Jo, úsïndi eskachi exeaka ambe enga sési jaka ka ambe nómbe, jimboka ima ambe engachi jucha erakujka úni, ióndani o kókuani, uaatijtsïni jarhuatani ojtsïni no sési úchini juchantsïni ka juchaari familiani. Uánikua xanharichi jatsisïnga para exeni ambe sánderu sési jarhaski ariiri ambe:

• Seksueri ka temungurhiriikua

• Jurhimbitku jámani, ánchikuarhiteeri ambe ka sentabueri

• Néna kʼuiriperaani sapiichani

• Néna sési kaani máteruechani

¿Nénajtsï uaa seguru jarhani eskajtsï sési erakuaka úni indeni ambe engachi uandakia ka eskaksïni jarhuataaka parajtsï chá ka chaari familia sési irekani?

Jo iáminduechachi jatsiska para kurhamarhikuarhini: “¿Amberini jarhuataa imani ambe erakuni úni enga sési jaka?

Ini rebista jimbojtsï míteaka andichisï uaa mintsikani eska Biblia uandasïnga ambe enga sési jaka, ka nénaksïni uaa jarhuatani chánksïni.