Juramutiicha engaksï kánikua no sési útspijka | ¿Ambe uaa Tata Diosïiri Reinu?

Kʼuiripuechaksï kuatantastia ima juramutiicheeri engaksï no sési útspijka ka uékasïndiksï imani juramutiichani engaksï uaaka mintsikaani. Uéxurhini 2023 jimbo enkuesta ma únhasti uánikua paisiicha jimbo, ka xarharasti eska kʼuiripu sánderu nóteru mintsinharhiasïngia imeechani engaksï juramukua jatsika gobiernurhu.a

Biblia uandasïndi gobiernueri ma ka eskachi uaaka mintsinharhini imani enga Juramuaka. Inde rei jurhimbikua jingoni juramuati ka no méni no sési útspiati. I gobiernu jindeesti Tata Diosïiri Reinu ka Rei enga juramuaka jindeesti tata Jesukristu (Isaías 9:7).

Jesúsi xarhatastia eska ima kʼóru uandanhiasïnga kʼuiripuechani jimbo (Mateu 9:35, 36). Ísï jimbo, iámindu imeecha engaksï jiókuarhiaka Tata Diosïiri Reinuni ka eska Jesukristuni komu Rei, jurhimbikua jingonksï kánhaati ka sésiksï irekaati (Salmo 72:12-14).