Uandanhiateecha sentabu jimbo | ¿Ambe uaa Tata Diosïiri Reinu?

Iámu parhakpinirhu, uánikua kʼuiripuechaksï úkua jukanchasïni sentabu andani enga andanguaka paraksï úni sési irekani, ka pauani pauani sánderu úkua jukasïndi.

• Seguni informi ma,a “ma repentku kánikua kétsesti na enga xáni andanhajka mándani kutsï”. Ka enga no ma ambe únhaska, “sánderu nóteru májkueni exejperanhaatia” ka ístu “uánikua ánchikuarhiriicha ka imeecheeri familiechaksï nóteru andagutaatia sentabu paraksï sési irekani”.

¿Uaaksï juramutiicha sési peentaani uandanhiateechani engaksï sentabu ambe jimboeka? Ka sánderia, ¿uaaksï kénditaani para méntkisï?

Biblia juramukueri ma uandasïndi enga uaaka sési peentaani iámindu uandanhiateechani engaksï sentabu ambe jimboeka, ma uandanhiata jindeesti no májkueni exejperani. Uandasïni eska “auandarhu anapu Tata Diosï Reinu ma uaxastaati” o juramukua, ka imajkusï juramuati iámu parhakpinirhu (Daniel 2:44). Inde juramukua no nemani jurajkuati ka iáminduechani kasu uaauati (Salmo 9:18). Tata Diosïiri Reinu jánguarhiati eskaksï iáminduecha jatsiaka ambe engaksï uétarhinchaaka paraksï sési irekani. Iáminduechaksï sési maiamunhaati imeecheeri ánchikuarhita jimbo (Isaías 65:21, 22).