¿Uaachi nemani mintsikani? | ¿Ambe uandasïni Biblia?

Kʼuiripuechaksï no sési pʼikuarherasïndi jimboka ima achamasïicha engaksï jatsipiringa para mintsinharhikueni, nóksï ma ambe úsïnga, pori ejemplu:

• Politikuechaksï sánderu uandanhiasïndi imeecha mismu jimbo ka eska máteruechani jimbo.

• Notisiechaksï no xarhatasïndi imani ambe enga merumindu úkuarhini jaka.

• Sientifikuechaksï no ánchikuarhisïni parakaksï kʼuiripuecha sési jauaka.

• Relijioni no jurhimbitiiri orhejtsïkutiicha engaksï sánderu uéjka politikarhu ísï inchamukuni ka eska Tata Diosïiri ambe uandani.

Ísïisti, nóchi jatsiska para né uéjkini mintsikani. Biblia uandasïndi:

• “Asï jáma je mintsikaani juramutiichani nijtu máteru kʼuiripuni, jimbokaksïni no uaaka pʼímutantani” (Salmo 146:3).

Nemani engachi uaaka mintsikani

 Biblia uandasïndi eska jarhaska nema enga chá uaaka mintsikani: Tata Jesukristu.Ima no solu ambakiti achamasï máespti enga irekapka ióntki sáni. Biblia uandasïndi eska Jesúsi: “Juramuati para méntkisï. Imeeri Reinu no méni kʼamakurhiati” (Lukasï 1:32, 33). Tata Diosï erakusti Jesúsini para juramuni imeeri Reinurhu. Ka iásï, juramuxatia auandarhu uératini (Mateu 6:10).

• Para míteni andijtsïsï uaa mintsikani Jesúsini, arhinta je artikuluechani “¿Né jindeski Rei, Tata Diosïri Reinurhu?” ka “¿Ambe uá Tata Diosïri Reinu?”.