Arini 50 uéxurhini jimbo, sáno iámindu animaliichaksï kʼamajkunhaxatiia | ¿Ambe uandasïni Biblia?

Jurhiatikua 9 de oktubri de 2024, Fondo Mundial para la Naturaleza aianhpispti na engaksï kʼuiripuecha no sési úkuani jaka animaliichani. Informi arhisïreendi eska desde 1970 a 2020 jamberi, jukari terujkani ima animaliicheeri engaksï japka uarhiskaksïa, ka i ambe no jamberi 50 uéxurhini jimbo úkuarhisti. Ístu, inde informi uandasïndi: “Nóchi jukari uandaxaka eska ixú sinko uéxurhini jimbo, xarharaaka na enga irenhaakia Echerirhu”.

I ambe kánikuajtsïni no sési pʼikuastasïndi jimbokachi tsitisïnga na enga xáni sési jáxeka juchaari planeta ka ístuchi no uékasïnga exeni na engaksï xáni kómu nitamakuarhijka animaliicha. Ka ísïchi pʼikuarherasïnga jimbokajtsïni Tata Diosï kueraaska parachi kuidariuani animaliichani (Génesis 1:27, 28; Proverbios 12:10).

Ka jamberijtsï chá kurhamarhikuarhijka: “¿Uaachi jarhuataani animaliichani? ¿Ambe uandasïni Biblia?”.

Jarhasti ambakiti ambe para sánderu orhepatini

Na uéjkichi xáni jánguarhintani úni ambe ma para juchaari planeta ka animaliicha, solu Tata Diosï uaati sési kuidariuani. Apokalipsisi 11:18 jimbo, uandasïndi eska Tata Diosï kʼamajkuauaka “imeechani engaksï kʼamajkuni jaka echerini”. I karakatajtsïni tsimani ambe xarhatachesïndi:

1. 1. Tata Diosï no jurajkuati eska Echeri méntku kʼamajkunhaaka.

2. 2. No ióni jimbo, Tata Diosï uaatia ambe ma. ¿Nénachi míteski? Jimboka desde iónisïa, kʼuiripuechaksï no méni xáni kʼamajkuaxapti animaliichani eska iásï.

¿Tata Diosï néna sési peenta ini ambe? Imeeri Reinu jingoni, jo, auandarhu anapu gobiernu ma jingoni enga iámu Echerirhu juramuaka (Mateu 6:10). I Reinu, jorhendauati ka arhistakuauati ambakiti kʼuiripuechani paraksï kuidariuani ka jarhuataani animaliichani (Isaías 11:9).