¿Jakajkusïnksï Jeobaeri testiguecha eskaksï imajkusï jindeka relijioni jurhimbiti?

Ima engaksï no jurajkujka relijioni ma jatsistiksï para jakajkuni eskaksï Tata Diosï ka Jesukristu jeiapanhintasïnga, enga no ísïpiringa, nóksï jánguarhintapirindi jima jarhani.

Jesukristu no de akuerdu jarhaspti imani eratsikua jingoni eskaksï uáka uánikua xanharuecha jarhani, o relijionicha, engaksï pʼímutantspiaka. Sánderu sési uandaspti: “Jimboka no kómukurhaska puerta ka no kórurhani xanharu enga tsípikuarhu pájpijka, ka nóksï uánikuesti ima engaksï exentajka” (Mateu 7:14). Jeobaeri testiguechachi jakajkusïnga eskachi exentaskia indeni xanharuni. Enga no ísïpiringa, máteru relijionichi jirinhapiringa.