¿Andiksïsï no úntajki Domingu de Paskua Jeobaeri testiguecha?
Ambe enga uandanhajka ka ambe enga jurhimbikueka
Ambe enga uandanhajka: Jeobaeri testiguechaksï no úntasïndi Domingu de Paskua jimbokaksï no kristianueska.
Ambe enga jurhimbikueka: Jakajkusïngachi eska Jesukristu jindeska juchari Pʼímutantspiti ka jánguarhintasïngachi para ‘ísï jámani eska ima na jámapka’ (1 Pedru 2:21; Lukasʌ 2:11).
Ambe enga uandanhajka: Chájtsï no jakajkusïnga Jesusiri tsíntskuani.
Ambe enga jurhimbikueka: Nochi solu jakajkusïnga Jesusiri tsíntskuani, sino ístuchi seguru jarhaska eska i tsíntskua jindeska nani enga uaxastakata jaka jakajkukua kristianuecheri. Ka jukaparharasïngachi, jimbochisï uandantajka íri ambe eianhpikuarhu (1 Korintu 15:3, 4, 12-15).
Ambe enga uandanhajka: Nóksï jurajkuasïndi uájpechani paraksï tsípikuarhini ini kʼuínchikuecharhu.
Ambe enga jurhimbikueka: Uékasïngachi juchari sapiichani ka kánikuachi jánguarhintasïnga para sési jorhendaani ka úni eskaksï tsípikua jingoni irekaaka (Titu 2:4).
¿Andiksïsï Jeobaeri testiguecha no úntajki Domingu de Paskua?
Pʼindekuecha engaksï Domingu de Paskua jimbo úkuarhijka nóksï Bibliarhu pʼitakatesti.
Jesusijtsïni juramuchisti miántani imeri uarhikuani, no imeri tsíntskuani. Testiguechachi miántasïnga imeri uarhikuani mándani uéxurhini imani jurhiatikua enga ima uarhika, seguni kalendariu lunari enga Bibliaeri tiempurhu úrakuarhienga (Lucas 22:19, 20, Traducción del Nuevo Mundo).
Kurhangusïngachi eskaksï pʼindekuecha engaksï Domingu de Paskua jimbo úkuarhejka —uánikua engaksï pʼitakata jaka ióntki anapu kómarhikuarhu para ambe ma tsikini— no jatsiska Tata Diosïri jeiapanhintskua. Ima kurhajkuarhisïndi eskachi solu imantku marhuakuaka ka no sési pʼikuarherasïndi engachi imani ambe újka enga ima no jeiapanhintajka (Éxodo 20:5; 1 Reyes 18:21).
Seguruchi jarhaska eskajtsïni Biblia apoiarisïnga engachi erakuka no úntani Domingu de Paskua. Ka Bibliajtsïni pʼímarhisïndi parachi úrani ambakiti jánhaskakuani ka eratsitarakuani, enbesi de seguirini kʼuiripueri pʼindekuechani (Proverbios 3:21; Mateu 15:3). Nájkirukachi tsípikua jingoni explikarikuajka juchari jakajkukuechani imani engajtsïni kurhamarhijka íri ambe, respetarisïngachi ambe enga mándani kʼuiripu erakuaka úni (1 Pedru 3:15).