JARHUAJPERATA PARA FAMILIAUECHA
Nénajtsï uá jarhuataani chári sapiichani orhepani uérani jiáni enga no sési uérakuauaka ambe ma
Niáraati ma jurhiani enga chári sapiichani no sési uérakuauaka ambe ma o jarhani ambe ma enga no sési pʼikuastauaka. ¿Ambejtsï uá úni para jarhuataani?
Ambe engajtsï jatsika para míteni
Iáminduechantsïni ménisï no sési uérachesïndi ambe ma. Biblia uandasïndi eskachi “iáminduecha mámaru ambe jimbo pekadu úsïnga [o no sési uérani ambe ma]” (Santiagu 3:2). Ka ístu sapiichani no sési uérakuasïndi ambe ma. Peru marhuakuasïndi engaksï ini ambe nitamakuarhijka: jarhuataasïndi paraksï sapiicha jorhenguarhini orhepani uérani. Engaksï sapiicha andajpenujka, nóksï mítesïndi ini ambe úni peruksï niárasïndi jorhenguarhini. Nándi ma enga Laura arhinhajka, uandasïndi: “Juchiti acheeti ka ji exeskachia eska sánderu sésiska eskaksï sapiicha jorhenguarhiaka orhepani uérani jiáni enga no sési uérakuauaka ambe ma, enbesi de ísï exenchi eska no ma ambe úkuarhiska. Ísï úparini, jorhenguarhisïndiksï méntkisï jánguarhintani, nájkiruka no sési uérakuauaka ambe ma”.
Uánikua sapiichaksï no mítesïndi néna orhepani uérani jiáni enga ambe ma no sési uérakuajka. Jimbokaksï táti jembecha arhiasïnga eska no ma ambe úkuarhiska jiáni enga sapini no sési uérakuaka ambe ma, sapiichaksï no mítesïndi ambe úni engaksï indeni ambe nitamakuarhijka. Por ejemplu, engaksï no sési petakujka kalifikasioni ma, jarhastiksï táticha engaksï jirejiresï uandajka eska maestrueri kulpeska. Enga sapi, amigu ma jingoni arhirperajka, tátichaksï seguirisïndi amigu jembani kulparini.
Peru engaksï táticha ini ambe újka, ¿nénaksï uá jorhenguarhini sapiicha eskaksï no sési úska ambe ma ka jánguarhintani sési peentani?
Ambe engajtsï uáka úni
Arhia je chári sapiichani eska imani ambe jimbo engaksï újka méntkisï niárasïnga máteru ambe úkuarhini
Biblia uandasïndi: ‘Iámindu ambe enga ma kʼuiripu júkskaaka, indeni ambemindu pʼikuntaati’ (Galasia 6:7).
Imani ambe jimbo engachi újka, niárasïndi jarhani ambe ma. Ka engachi no sési ambe újka, niárasïndi no sési ambe úkuarhini ka jatsisïngachi para sési peentani imani ambe. Sési jarhasti eskaksï sapiicha jorhenguarhiaka eska méntkisï engaksï újka ambe ma, niárasïndi sési ambe úkuarhini o no sési ambe ka eskaksï jiókuarhiaka ambe enga niáraaka úkuarhini imani ambe jimbo engaksï uáka. Enbesi de máteruechani kulpariuani o méntkisï kuájpiani chári sapiichani, jurajku je eskaksï jánguarhintaaka sési peentani imani ambe engaksï no sési uáka seguni na engaksï xáni jatirikia chári sapiicha. Jánguarhinta je eskaksï chári sapiicha exeaka na enga xáni no sési ambe úkuarhijka engaksï imecha no sési ambe újka.
Jarhuataa je chári sapiichani néna sési peentani ambe ma
Bibliaeri konseju: “Ima enga jurhimbitiika, uáti asta sieti uelta kuarhatseni ka ménderu jauaraati” (Proverbios 24:16).
Nájkiruka no sési pʼikuarherakuarijka enga ma jerarikujka, no jindesti para uarhini jarhania. Jarhuataa je chári sapiichani paraksï jánguarhintani néna sési péntani ambe engaksï no sési úka ka no solu eratseni jarhani eska nema no sési ambe úkuaska. Por ejemplu, enga chári sapi no sési petakuaka eksameni ma jimbo, jarhuata je paraka jorhenguarhiaka eska máteru jimbo, jatsiska para sánderu estudiarini ka para sánderu sési úntani eksameni ma (Proverbios 20:4). Enga chári nanaka sapichu arhirperaaka imeri amiga ma jingoni, jarhuata je para ima sési pájperantani amiga jemba jingoni nájkiruka chári nanaka no ma kulpa jatsiaka (Roma 12:18; 2 Timoteo 2:24).
Jorhendaa je chári sapiichani paraksï kaxumbitini
Bibliaeri konseju: “Jíksïni iáminduechani arhisïnga eskajtsï no jámaaka sánderu kʼéri ambe exekuarhini ka eskajtsï na jindeka” (Roma 12:3).
Arhini chári sapini eska ima sánderu sési úsïnga ambe ma eska máteruecha, no sési jarhasti níjtu ísïi. Asta sánderu ambakiti estudiantichaksï no méntkisï sési mókuntasïndi eksameni ma ka imecha engaksï sánderu jorhenajka sési chʼanani, ménisïksï niárasïndi tsïtani. Sapiicha engaksï no jukari ambe eratsejka imecheri mismu ambe, sánderuksï sési úsïndi orhepani uérani imani ambe jimbo engaksï no sési uérakuaka ka imani ambe jimbo engaksï no sési pʼikuastaaka.
Biblia uandasïndi eska engachi no sési ambe nitamakuarhijka, jarhuatasïndijtsïni para sánderu tekaantskua jatsini ka sánderu ambe jorhenguarhini (Santiagu 1:2-4). Ísï jimbo, nájkiruka no sési pʼikuarherakuarhijka enga ma jerarikujka, jarhuataa je chári sapiichani paraksï ísï exeni indeni ambe eska na jindeka.
Uétarhiati kánikua tiempu ka eskajtsï jánguarhintaaka para jorhendaani sapiichani orhepani uérani. Peru, engaksï tumbi sapirhatiuakia o iurhitskirini, exeakajtsï eska kánikua marhuakuauaka ambe engajtsï cha jorhendauaka. Libru Letting Go With Love and Confidence (Déjelos volar con amor y confianza), uandasïndi: “Tumbicha ka uátsïcha engaksï míteka néna orhepani uérakuani uandanhiatechani, nóksï úsïndi imani ambe enga no sési úkuauaka níksï jirejiresï újki ambe ma. Ambe engaksï nitamakuarhijka ka engaksï no erokuarhijka, jarhuataasïndi paraksï sánderu jorhenguarhini ambe ma”. Ístu, ju je no mirikurhini eska jorhenguarhini orhepani uérani, asta jiáni jamberijtsïni marhuachesïnga engachi kʼérijkia.
Konseju ma: Jorhendaa je chári ejemplu jingoni. Miá je, eska engajtsï cha míteka néna orhepani uérakuni imani ambe engaksïni no sési uérachijka, ístu chári sapi májkueni uáti.