Na enga tradusirikuarhika programa kʼéri tánguarhikua rejioniri 2020 “¡Méntkisï tsípi je!”

Kʼéri tánguarhikua rejioniri 2020, Jeobaeri testiguechaksï iápuru parhakpini anapuecha exeatiksï ima mismu grabasioni májku tiempu jimbo: juliu ka agostuni. Paraka i ambe úpiringa úkuarhini, grabasioni programeri kʼéri tánguarhikueri jatsisti para tradusirinhani jukari 500 idiomecha jimbo. Sáno méntkisï uétarhisïndi ma uéxurhini o sánderu para i jásï ánchikuarhita ma úni. Peru pandemia jimbo, traduktoricha para kʼéri tánguarhikua rejioniri 2020 “¡Méntkisï tsípi je!”, jatsisptiksï para menusi de kuatru mesi jimbo úni ini ánchikuarhitani.

Departamentu enga Piájka ambe engaksï Jeobaeri testiguecha uétarhinchajka interu Parhakpinirhu ka Grupu enga jarhuajpejka Traduksionirhu, Estados Unidos anapu Beteli jarhuajpistiksï ini xáni kʼéri ánchikuarhita jingoni. Grupu enga jarhuajpejka Traduksionirhu exespti eska uánikua ekipu traduktoricheri uétarhinchaxapkaksï sánderu ambe paraksï úni ini ánchikuarhitani, komu ambakiti mikrofonuechani para grabarini. Departamentu enga Piájka ambe engaksï Jeobaeri testiguecha uétarhinchajka interu Parhakpinirhu piáspti 1,000 mikrofonuechani ka axaaspti jukari 200 lugaricharisï.

Para no xáni sentabu úrani, mikrofonuechaksï piánhaspti maioreu jimbo, ma lugarirkuksï axaaspti ka jimaksï uaaspti paketichani paraksï axaani interu parhakpinirhu. Jimbokaksï maioreu jimbo piáspka, mándani mikrofonu sáno 170 dolari jukaparhasti enbiu jingoni ka ísï menusi uérasti ka eska engachi mándani piápiringa.

Departamentu enga Piájka ambe engaksï Jeobaeri testiguecha uétarhinchajka interu Parhakpinirhu piáspti ka axaspti ini mesicha jimbo abrili ka maiu de 2020, jiáni engaksï empresecha no úni japka kánikua ánchikuarhini pandemia jimbo, peru maiuni kʼamareranisï, sáno iámindu ofisinecha nani engaksï tradusiriuajka publikasionichani, Betelicha ka máteru lugaricha engaksï tradusirijka jatsisptiksïa ambe engaksï uétarhincheenga para ánchikuarhini.

Jay Swinney enga exejka na enga ánchikuarhijka Departamentu enga Piájka ambe engaksï Jeobaeri testiguecha uétarhinchajka interu Parhakpinirhu, uandasïndi: “Ini ánchikuarhita jimbo sésiksï ánchikuarhisti Departamentu enga Beteli jaka imeecha jingoni engaksï atarantajka ambe. Úskachi sóntku ini ambe úraparini imani sentabuni enga íntspinhajka para jarhuatani erachichani ka i ambe ústi úkuarhini solu Jeobaeri espirituni jimbo”.

Nicholas Ahladis, enga ánchikuarhijka Grupurhu enga jarhuajpejka Traduksionirhu uandasïndi: “Ima traduktoricha engaksï no újka uérani kánikuaksï tsípispti engaksï intsïnhapka jimbanhini ekipuni paraksï ánchikuarhini. Nájkirukaksï iauani japka imeeri kompanieru jémbeecha jingoni úsptiksï jarhuajperani paraksï tradusirini ka grabarini arhijtsïkperatechani, bideuechani ka pirekuechani jukari 500 idiomecha jimbo”.

I jindeesti máteru ánchikuarhita ima xáni uánikua amberi enga úkuarhipka, para úni grabarinhani i kʼéri tánguarhikua rejioniri 2020 “¡Méntkisï tsípi je!” para iámindu erachicha. I ekipuechaksï piánhasti imani sentabu jimbo engajtsï chá íntspijka donate.jw.org jimbo ka máteru ambe úraparini parajtsï íntspini sentabu.