¿Cha andisï jukaparharajki kómarhikua pímbinhasïni?

Esekieliri bisioni nani enga templuni exepka, uinhaperantaaspti judiuechani engaksï jupikata japka, jimboka asegurarikuaspka eska kómarhikua pímbinhasï ménderu sési pénhantapiringa. Ini últimu jurhiatikuechani, kómarhikua pímbinhasï ‘sési uaxastakata jarhasti juátecharhu karhakua’, ka juchajtuchi andarheraska imani, iámindu nasionicharhu anapuecha jingoni (Isa 2:2). ¿Pʼindeskijtsï cha eratsintani eska kʼéri kóntperata máeska mítini Jeobani ka marhuakuni?

KÓNTPERATECHA PÍMBINHASÏ KÓMARHIKUA JIMBO

• 

  Kánikua informasioni Jeobaeri Karakateri engajtsïni mókuchiantajka kurhamarhikuechani engaksï sánderu jukaparhakueka, ka engajtsïni íntsajka ambarhati konsejuechani ka erokuarhikua ma enga segurueka (Isa 48:17, 18; 65:13; Ro 15:4).

• Interu parhakpini anapu erachichani engaksï kánikua uékpijka (Sl 133:1; Jn 13:35).

• Pribilejiu de Tata Diosïri jarhuajpirini ánchikuarhitarhu ma engajtsïni sési pʼikuastajka (Uk 20:35; 1Ko 3:9).

• “Diosïri pínandikua”, engajtsïni uinhaperantajka engachi problemechani jatsiajka (Flp 4:6, 7).

• Pímbinhasï konsiensia ma (2Ti 1:3, TNM).

• Ambakiti pájperakua ma Jeoba jingoni (Sl 25:14).

¿Néna uá xarhatani eskani jukaparharasïnga kómarhikua pímbinhasïni?