Jorhenguarhi je néna sánderu sési aianhpeni: Ambakiti kurhamarhikuechani úra je

ANDISÏ JUKAPARHAKUE. Engaksï kʼuiripueri eratsikuecha ísïka eska itsï enga iauani inchatsekua jaka, kurhamarhikuechaksï jindesti sánderu ambakiti jarhuajperata para niárani asta jima engaksï jaka ka úni mítiani (Pr 20:5). Ambakiti kurhamarhikuecha engaksï sési eratsikateka, úsïndiksï eska ima engajtsïni kurhajchajka, imajtu uandontskuarhiaka. Ka ístu, kurhamarhikuecha jimbo, úsïngachi jatsini informasioni enga jukaparhakueka. Jesusi ambakiti kurhamarhikuechani úraaspti. ¿Nénachi uá májkueni úni?

NÉNA ÚNI

• Uá je kurhamarhikuechani para mítini ambe eratsisïni. Jesusi ambakiti kurhamarhikuechani máru úraaspti enga jarhuatapka mítini ambeksï eratsisïreni imeri disipuluecha (Mt 16:13-16; be-S páj. 238 párr. 3-5). ¿Náki kurhamarhikuechantsï úpirini úraani para mítini ambe eratsisïni nema?

• Uá je kurhamarhikuechani engaksï jarhuataaka kurhanguni. Para jurhimberantani imani ambe enga Pedru no sési eratsini japka, Jesusi kurhamarhikuechani máru úkuaspti ka opsionichani íntskuaspti engaksï jarhuatapka mítini ambesï sési japi (Mt 17:24-26). ¿Náki kurhamarhikuechantsï úpirini uáni parajtsï jarhuatani nemani mítini ambesï sési jaki?

• Felisitari je enga mókuntaaka. Jesusi felisitarispti kararini ma enga exepka eska “sési mókukuspka” (Mr 12:34). ¿Ambejtsï uá arhini nemani enga mókuntaaka kurhamarhikua ma?

ENGAJTSÏ EXEAKIA PRIMERA PARTINI BIDEUERI JU JE SEGUIRINI ÁNCHIKUARHITA JINGONI ENGA JESUSI UÉNAKA: JORHENTPINI, MÓKUANTA JE ARINI KURHAMARHIKUECHANI:

• Nájkiruka informasioni enga jorhentpiri íntskuka ísïika, ¿andisï no sési jaki na enga jorhentpejka?

• ¿Andichisï no jatsi para imani ambejku explikarikuni enga informasioni arhijka?

EXE JE SEGUNDA PARTINI BIDEUERI KA MÓKUANTA JE ARINI KURHAMARHIKUECHANI:

• ¿Andichisï uá uandani eska erachi ambakiti kurhamarhikuechani úraaska?

• ¿Ambe máteru ambe enga erachi úraka para jorhentpini, uáchi juchajtu úrani?