JUKAPARHAKUA AMBE BIBLIAERI | MATEU 18, 19

Ju je jánguarhini no pekarini ni máteruechani pekadu úraani

Jesusi ejempluechani úraaspti para jorhentpini eska no sésiska jurajkuni eskajtsïni ambe ma pekadu ambe úraaka o jucha úni paraksï máteruecha pekarini.

18:6, 7

Uandakua “terongutanhaaka”, arhikuekasïndi úni ambe ma o jima jarhani enga nema uáka no sési ambe úni, ísku jándikua ambe niátani o pekarini.
Sánderu sési japirindi tsakapu ma jójchani molinurhu anapu ka marirhu kʼuanimeni ka eska úni eska nema no sési ambe uáka.

Burru ma uantsïkuxati tsakapu molinuerini ma; achati ma tsakapu molinueri ma jójchatini marirhu kʼuanimanhaxati — Tsakapuecha molinueri

18:8, 9

Jesusi arhiaspti imeri chúxapatichani eskaksï pʼikukuarhipiringa ambe ma enga jukaparhakueka, komu jájki ma o éskua ma, enga i ambe no sési ambe úraapiringa.
Sánderu sésisti tsïtani ma parti kuerpueri ka inchani Reinurhu ka eska jánguarhini para no tsïtani ka Geenarhu nirani, enga arhikuekajka para méntku kʼamajkunhani.

¿Amberini úpirini jindeni no sési ambe úraani ka néna uá no no sési ambe úni o úni eskaksï máteruecha no sési ambe uáka?