Nénaksï uá sánderu sési irekani temungurhiricha

Abraani ka Sara xénchperasïrendiksï ka janhanharperani (Gé 12:11-13; 1Pe 3:6). Joperu no méntkisï iámindu ambe sési jarhasïrendi ka niárasptiksï problemechani jatsiani. ¿Ambeksï uá jorhenguarhini temungurhiricha Abraaniri ka Saraeri ambe?

Kánikua jukaparhakuesti uandontskuarheni. Jánguarhinta je iatsitakuarhu kurhakuarhini jiáni enga chári acheeti o uarhiiti ikiani jauaka o uandanhiani ka no sési uandani (Gé 16:5, 6). Arhuta je tiempu parajtsï márku jarhani. Xarhatatspera je eskajtsï xénchperasïnga úkuecha ka uandakuecha jingoni. Ka sánderu jukaparhakua ambe, méntkisï kuentu ú je Jeobani: estudiari je, kómarhi je ka májku kʼéri marhuaku je Jeobani (Ec 4:12). Ima temungurhiricha engaksï sési irekajka, kʼéri ambeksï arhisïndi Jeobani, imani enga uaxastaka temungurhikuani.

ENGAJTSÏ EXEAKIA BIDEUNI NÉNA SÁNDERU SÉSI IREKANI TEMUNGURHIRINI, MÓKUANTA JE ARINI KURHAMARHIKUECHANI:

• ¿Ambe xarhatasïreni eska Shaan ka Kiara nóteruksï káni sési irekaxapkia?

• ¿Andisï jukaparhakue eskaksï temungurhiricha sési uandontskuarheaka?

• Abraaniri ka Saraeri ejemplu, ¿néna jarhuataaspi Shaanini ka Kiarani?

• ¿Ambeksï úspi Shaan ka Kiara paraksï ménderu sési irentani?

• ¿Andiksïsï temungurhiricha no jatsi para erokuarhini eska iámindu ambe sési jauaka?