PIREKUA 28
¿Nénachi uá Jeobaeri amigueni?
(Salmo 15)
1. ¿Néski chíti amigu Jeoba?
¿Nékini uá kómarhini?
¿Néndi pʼímarhia chíti kʼumanchikuarhu?
¿Nékini uá mítinia?
Ima enga sési ambe újka,
ísï eskari tʼu na uéjka.
Ima engakini marhuachini jaka
ka no kuatantania.
2. ¿Né uá Tata Jeoba
chíti kóntperata jatsini?
¿Né uá eskari tʼu sési pʼikuarheraaka?
¿Néndi kuájchakuni jaua?
Ima enga janhanharhiaka
chíti kʼéri nombrini, Jeoba.
Né enga jurhimbikua jingoni jámaakia
ka no méni chkuanderani.
3. Mítiska eskarini tʼu
méntkisï jarhuataakia.
Tʼunguini mintsikaaka Tata Jeoba,
no chéni pʼikuarheraaka.
Ji sési pʼikuarhersïnga
engakini mítikia.
Ji méntkisï tʼunguini jingoni jauaka.
¡Nókini jurajkuakia!
(Ístu exe je Sal. 139:1; 1 Ped. 5:6, 7).