Иисус Христосның үлеме сиңа нинди файда китерә?

Иисус Христос без яши алсын өчен үлгән (Иоанна 3:16)

Иисус Христосның үлеменнән соң өч көн үткәч, берничә хатын-кыз аның кабере янына килгән. Әмма анда Христосның тәне булмаган. Йәһвә аны терелткән.

Соңрак Иисус Христос үз апостоллары янына килгән.

Йәһвә Иисусны кодрәтле үлемсез фәрештә итеп терелткән. Иисусның шәкертләре аның күккә күтәрелгәнен күреп торганнар.

Алла Иисусны терелтеп үз Патшалыгының Патшасы итеп куйган (Даниил 7:13, 14)

Иисус үз тормышын кешелек өчен йолым итеп түләгән (Матфея 20:28). Шул йолым ярдәмендә Алла безгә мәңге яшәргә мөмкинлек бирә.

Йәһвә Иисусны җир өстеннән Патша итеп билгеләгән. Аның белән бергә 144 000 тугры кеше идарә итәчәк. Алар күктә яшәр өчен терелтелә. Иисус һәм шул 144 000 кеше күктәге хөкүмәтне — Алла Патшалыгын тәшкил итә (Откровение 14:1—3).

Алла Патшалыгы җирне оҗмахка әйләндерәчәк. Сугышлар, җинаятьчелек, нужалык һәм ачлык булмаячак. Кешеләр чыннан да бәхетле булачак (Псалом 145:16).