Җирдә оҗмах кайчан булачак?

Тиздән Алла Патшалыгы үзгәрешләр ясаячак. Бу дөнья хәленнән күренеп тора (Луки 21:10, 11; 2 Тимофею 3:1—5)

Без бүген күреп торган күп кенә нәрсәләр Библиядә инде күптән язылган булган. Анда кешеләр байлык яратачак, әти-әнисен тыңламаячак, мәрхәмәтсез булачак, күңел ачулар гына яратып яшәячәк диелгән.

Анда көчле җир тетрәүләр, сугышлар, ачлык һәм эпидемияләр булачак дип язылган. Моның барысы безнең көннәрдә үтәлә.

Иисус Христос Алла Патшалыгы турындагы яхшы хәбәр бөтен җир йөзе буйлап вәгазьләнәчәк дип алдан әйткән булган (Матфея 24:14).

Алла Патшалыгы бар явызлыкны юк итәчәк (2 Петра 3:13)

Йәһвә тиздән бар явызларны юк итәчәк.

Шайтан белән җеннәргә җәза биреләчәк.

Алланы тыңлаучылар яңа гадел дөньяда яшәячәк. Анда кешеләр курыкмаячак, бер-берсенә ышанып һәм бер-берсен яратып яшәячәкләр.