37 Бисәли́л+ сәрви* агачыннан сандык+ ясады. Аның озынлыгы ике терсәк* ярым, киңлеге бер терсәк ярым һәм биеклеге бер терсәк ярым булды.+ 2 Аннары ул аның эчен дә, тышын да саф алтын белән каплады һәм аның кырые тирәли алтын кайма ясады.+ 3 Шуннан соң ул аның өчен, дүрт аягыннан өстәрәк — икесен бер ягына, ә икесен икенче ягына беркетү өчен, алтыннан коеп дүрт боҗра ясады. 4 Аннан соң ул сәрви агачыннан колгалар ясап, аларны алтын белән каплады.+ 5 Сандыкны күчереп йөртү өчен, ул колгаларны аның ике ягындагы боҗраларга кидереп куйды.+