• Канун 13:1–5
    Изге Язмалар (Тәүрат, Зәбур, Инҗил)

    • 13 Әгәр халкыңнан берәр пәйгамбәр я төшләр күреп киләчәкне әйтүче килеп чыкса һәм сиңа берәр билге я галәмәт белдерсә, 2 һәм ул сиңа әйткән билге я галәмәт чынга ашса, һәм ул син белмәгән илаһлар турында: „Әйдә, башка илаһларга иярик һәм аларга хезмәт итик“,— дисә, 3 бу пәйгамбәрнең я төш күрүченең сүзләрен тыңлама,+ чөнки Аллаһыгыз Йәһвә сезне Аллаһыгыз Йәһвәне бөтен йөрәгегез һәм бөтен җаныгыз* белән яратасызмы+ икәнен белер өчен сыный.+ 4 Аллаһыгыз Йәһвәгә иярегез, аны тирән хөрмәт итегез, аның әмерләрен үтәгез, аны тыңлагыз. Аңа гына хезмәт итегез һәм аңа гына нык тотыныгыз.+ 5 Ә ул пәйгамбәр я төш күрүче үтерелергә тиеш,+ чөнки ул сезне, Аллаһыгыз Йәһвә йөрергә кушкан юлдан яздырыр өчен, Аллаһыгыз Йәһвәгә каршы баш күтәрергә котырта. Аллаһыгыз бит сезне Мисыр җиреннән алып чыкты һәм сезне коллык йортыннан йолып алды. Арагыздан явызлыкны бетерегез.+