• Ирмия 2:8
    Изге Язмалар (Тәүрат, Зәбур, Инҗил)

    • 8 Руханилар: „Йәһвә кайда?“ — дип сорамады,+

      Канунга өйрәтү өчен җаваплы кешеләр мине белмәде,

      Көтүчеләр миңа каршы күтәрелде,+

      Пәйгамбәрләр Бага́л исеменнән пәйгамбәрлек итте,+

      Алар файда китерә алмаучыларга ияреп йөрде.

  • Ирмия 8:10–12
    Изге Язмалар (Тәүрат, Зәбур, Инҗил)

    • 10 Шуңа күрә мин аларның хатыннарын — башка ир-атларга,

      Кырларын башка кешеләргә бирермен.+

      Аларның һәрберсе — кечесеннән алып бөегенә кадәр — намуссыз табыш ала.+

      Һәрберсе — пәйгамбәрдән алып руханига кадәр алдап йөри.+

      11 Алар халкымның — кызымның ярасын* өстән-өстән генә дәвалап:

      „Тынычлык! Тынычлык!“ — дип тора.

      Ә тынычлык юк.+

      12 Аларга үзләре кылган җирәнгеч эшләре өчен оятмы?

      Һич тә оят түгел!

      Алар бит хәтта оялуның нәрсә икәнен дә белми!+

      Шуңа күрә алар егылганнар арасына егылыр.

      Мин аларны җәзалагач, абынып егылыр“+,— ди Йәһвә.

  • Микай 3:5
    Изге Язмалар (Тәүрат, Зәбур, Инҗил)

    • 5 Пәйгамбәрләр халкымны юлдан яздыра,+

      Тешләрлек*+ берәр нәрсәләре булса: „Тынычлык!“+ — дип игълан итә,

      Авызларына бернәрсә дә салмаган кешегә исә сугыш игълан итәләр.

      Шуңа күрә Йәһвә аларга болай ди:

  • Микай 3:11
    Изге Язмалар (Тәүрат, Зәбур, Инҗил)

    • 11 Аның башлыклары ришвәт алып хөкем итә,+

      Руханилары бәя түләтеп өйрәтә,+

      Ә пәйгамбәрләре күрәзәлек итүләре өчен акча* ала.+

      Шулай да алар: «Әллә Йәһвә безнең белән түгелме?+

      Бернинди бәлагә дучар булмабыз»+,— диеп,

      Йәһвәгә таянуларын күрсәткән була.